Matendelelu 3:20 - O Mikanda Ikola

²⁰ Katé Jihova kia bhana jiphange jenu o dinhohenu, kala kia mi bhana enu; nda ene a lundule uâ oxi ioso ia-nda ku a bhana Jihova ku sámbua koko dia Njolodá, anga mua kà vutuka kiua, kala muthu ku undundu uê u nga mi bhana kiá.

Matendelelu 3:20 ပူးပေါင်းရင်းမြစ်များ

Dialuilu 32:18

Etu-phe, ki tu vutuka luua ku mabhata, katé anʼa Izalaiele oso a tambula kala muthu undundu uê.

Dialuilu 32:22

ixi ioso anga i toloka ku pholo ia Jihova; enu kiene kiua ki mu vutuka, ki mu kala-phe dingi ni kituxi kua Jihova, ni kua Izalaiele; ixi iii-phe iene i kala ienu ia kúvua, bhu pholo ia Jihova.

Matendelelu 12:9

Kuma kindalʼiki hanji-phe, kiluua mu bokona mu dinhohenu ni mu undundu ua-nda ku mi bhana Jihova Nzambi ienu.

Matendelelu 3:21

Mu thembu ienhoio nga tendelela ue Josuué, ngixi: O mesu mé ma ki mono kiá, kioso kia bhange Jihova Nzambi ienu, ku jisobha jiiadiʼiji; Jihova ua kà bhanga ue kienhiki ku mautuminu moso, ku mua kà bhita.

Josuué 1:15

Katé Jihova kia kà bhana akuenu kunhoha, kala kia mi bha-ku enu, ni a xikame mu jixi jâ, ja a bhana Jihova Nzambi ienu; kiene kiua ki mu vutuka, mu xikame kiambote mu jixi jenu ja mi bhana Mozé, ngunza ia Jihova, ku sámbua kuná dia Njolodá, ku tundila dikumbi.

Josuué 22:2

anga ua ambela, uixi: Ima ioso ia mi tumine Mozé, o mukalakadi ua Jihova, mua i kumbidila muene; o dízui diami ue mua di tumaka jinga muene, mu ima ioso i nga mi tumina.

Josuué 22:4

Leluʼidi-phe kuma Jihova Nzambi ienu ua bhana kiá o thungu ni somo ku jiphange jenu, ia a nhoha kala kia ambelele muene, vutukilenu-phe kiá ku jibalaka jenu, ndé-nu kiá kʼoxi ia ubhinganu uenu, ua mi bhele Mozé, selevende ia Jihova, ku sámbua dia Njolodá kunhá.

Josuué 22:8

hé u a ambela, uixi: Vutukilenu kiá ku jibalaka jenu ni jimbongo javulu, ni jinzungule ja ibhaku, ni phalata, ni ulu, ni utadi ua ngôndo, ni felu ni izuatu iandumba; ene o mabhundile u mua bhundu ku jinguma jenu, uanenu kumoxi ni akuenu.

Josuué 22:9

Kienhiki anʼa Lubene, ni anʼa Ngadi, ni kaxaxi ka muiji ua Manasa, a vutuka kiá, hé a tunda ku Silu, a xa anʼa Izalaiele, mu ixi ia Kanana; anga aia ku ixi ia Ngiliiade, kʼoxi ia ubhinganu uâ, ua a lunduixile, mu ngonge ia Jihova bhu thembu kiala-ku hanji Mozé ku ukunji.