Matendelelu 3:2 - O Mikanda Ikola

² Jihova phe u ngʼambela, uixi: Ku kale ni uoma; mbata nga mu bhakula bhu lukuaku lué ni muene ni mundu uê uoso ni oxi iê. Kioso ki ua bhange Sihone, sobha ia Mamodi, ua kexi mu Hezebone, kiene ue ki u mu bhanga muene.

Matendelelu 3:2 ပူးပေါင်းရင်းမြစ်များ

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Dialuilu 21:34

Jihova anga u ambela Mozé, uixi: Ku mu kale ni uoma, kuma nga mu bhana bhu maku mé, ni mundu uê uoso, ni ixi iê; u mu bhanga kala ki ua bhange Sihone, sobha ia Mamodi, ni mbanza iê ia Hexebone.

Jipoxolo 18:9

Ngana anga u ambela Phaulu ku nzoji mʼ usuku, uixi: Ku kale ni uôma, enda ni kutanga, kana ku di xibha.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Matendelelu 20:3

kuamba: Ivua, u Izalaiele, lelu mueza kúlua ita ni jinguma jenu; muxima ki u mi botomoke, mba mu kala ni uoma, ki mu tekete, kana; kioso ki mu a mona, ki mu kale ni kimbuua.

Matendelelu 3:1

Anga tu biluluka, tu banda ni njila ia Basane; Hoke-phe, sobha ia Basane, utunda ku tu batuila ni muene ni mundu uê uoso, anga tulua-nê ita bhu Dilei.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Matendelelu 3:3

Jihova Nzambi ietu anga u tu bhana Hoke, sobha ia Basane, ni mundu uê uoso ua tu bhakuila-nê bhu makuʼetu, anga tu mu kuama muene katé ki tua mu jimi mbutu, né ngó muthu umoxi ka mu subhuka-ku.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.