Matendelelu 3:11 - O Mikanda Ikola

¹¹ (Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Matendelelu 3:11 ပူးပေါင်းရင်းမြစ်များ

Dimatekenu 14:5

O ku muvu ua kauana ku dikuinhi, Kedolaumele ni jisobha jamukuá ja di bande-nê kumoxi, eza hé a beta akua Lefaíme, mu Axitalote dia Jimbinga, ni Mazuzi mu Hame, ni Mamimi mu ngânga ia Kediataíme.

Dimatekenu 6:15

U i kalakala kiki: O kulebha kua álaka ku kale hama jitatu ja kóvado, o kukula kuê makuinhi atanu a kóvado, o kitala kiê makuinhi atatu a kóvado.

II Samuuele 11:1

Anga ki bhita kuila, ki bhua bhiti o muvu, bhu thembu bhene kutunda o jisobha mu kúlua ita, Davidi u katula Jouabe ni makuenze mê kumoxi, ni Izalaiele ioso, anga a buidisa anʼa Amone, o mbânza ia Labá a i kondoloka, hé a a batuila momo. Davidi-phe ua xala mu Jeluzaleme.

II Samuuele 12:26

Jouabe-phe anga u lua ni Laba, mbanza ia anʼa Amone, hé u tolola mbanza ia ungana uâ, o Mbonge ia menha.

Jelemiia 49:2

Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.

Izekiiele 21:20

Uidika o njila mua-nda kuijiia o xibhata kua Labah dia anʼa Amone, ni kua Juda, ni kua Jeluzaleme, uene mu imbaka ia kolo.

Izekiiele 25:5

O Lahabe nga kà mu bhanga kidilu kia jikamelu, o anʼa Amone kibhanga kia jimbudi; kiene ki muà ka kʼijiiia kuila eme ngi Jihova.

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Matendelelu 2:11

Anga ene uâ a a luka exi Jinefalimi kala o akua-Anake; akua-Mouabhe-phe anga a a luka exi Ji-Emeu.

Matendelelu 2:20

(Oxi ienhiʼii ue ia kexi ixi ia mazonda, o Jinefalimi, a tungile-mu mu xahulu; akua Amone-phe a a lukile exi Jinzanzumine.

Josuué 12:4

Kadi, Hoke, sobha ia Basane, ua subhukile ku Jinefalime (o mazonda a fuma mʼukulu) iu ua tungile mu Jitalote ni mu Dilei.

Josuué 13:12

Ni utuminu uoso ua Joke mu Basane, ua hingile usobha mu Jitalote ni mu Dilei; muene kiá ngó ua subhukile ku mazonda a xahulu (o Jinefalimi), ió a mu jibhile kuala Mozé iú ua mu muange-mu.

Dijingunuinu 21:17

Anju anga u zonga o kimbaka kiê ue, kia bhana hama ia kóvadu ni makuinhi auana ni kiuana, kala kia sokela mu midila iene ia kexi mu kuzonga na-iu o anju.

I Samuuele 17:4

Bhu kibangu kia akua Fidíxia anga bhu tunda dizonda, dijina diê Ngoliia mukua Ngate; muenhú o kitala kiê kóvado jisamanu ni phalumu imoxi.