Matendelelu 29:9 - O Mikanda Ikola

⁹ Maka ma Kikutu kiki bhakenu-u, muende ni ku ma bhanga; phala mu zediue mu ima ioso i mu bhanga.

Matendelelu 29:9 ပူးပေါင်းရင်းမြစ်များ

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

II Malunda 20:13

O Juda ioso-phe kienhokio emana bhu pholo ia Jihova, kumoxi ni tumbonga tuâ ni ahetuʼâ, ni anʼâ.

II Malunda 31:21

O mu ima ioso i andeka kubhanga, ku kikalakalu kia inzu ia Nzambi, ni mu kitumu, ni ku ijila, phala kusota Nzambi iê, ua ki bhange muene ni muẋima ua muvuimba, anga u kala ni kuzediua.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Matendelelu 29:1

Iá ene o maka ma kikutu kia tumu Jihova kua Mozé, mʼoxi ia Mouabhe, uixi: Ta-na-kiu, ni anʼa Izalaiele, ku thandu dia Kikutu ki nga a bhana kiá bhu Holebe, kuma kiokio kiengi.

Matendelelu 29:10

Leluʼidi enu-oso muene muala bhu pholo ia Jihova Nzambi ienu; ni makota ma ibuka ienu, ni adiakime enu, ni jifixiiadi jenu, ni mala oso mu Izalaiele;

Matendelelu 31:12

Mu bhongolola jinga mundu uoso, ni mala, ni ahatu, ni anʼa ndenge, ni asonhi ala mu mabhata menu phala evue, a di longe, a xile jinge Jihova Nzambi ienu, phala a kale ni muanu ua kualuka ni kubhanga jinga kioso kia zuela o Kitumu kienhiki.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 5:3

O kikutuʼiki ka ki te ni jitata jetu, maji Jihova ua ki te nʼetu-ene oso muene tuala lelu bhenhabha ku muenhu.

Josuué 1:7

Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.

Josuué 24:1

O ki kia bhiti, Josuué ua bhongolola miji ioso ia Izalaiele bhu Xikeme; anga uixana ikulakaji ia Izalaiele, ni ilôlo iâ, ni afundixiʼâ, ni jifixiiadi. Ene oso anga a di bheka bhu pholo ia Nzambi.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.