Matendelelu 29:8 - O Mikanda Ikola

⁸ Oxi anga tu a tambula-iu, etu tua i bhana akua Lubene ni akua Ngadi ni kaxaxi ka muiji ua Manasa, mu ubhinganu.

Matendelelu 29:8 ပူးပေါင်းရင်းမြစ်များ

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

Jisálamu 135:12

Jixi jâ iu ua ji bhana mu ubhinganu, ji kale undûndu ua mundu uê ua Izalaiele.

Dialuilu 32:32

Etu tu zaúka muene, tua maneka kuia ku ita, ku pholo ia Jihova ku sámbua dia Kanana, etu-phe undundu uetu ua xala ku sámbua kunu, dia Njolodá.

Dialuilu 32:33

Mozé anga u a bhana, ene anʼa Ngade ni anʼa Lubene, ni mbandu ia muiji ua Manasa, monʼa Zuze, utuminu ua Sihone, sobha iaʼ kua Amone, ni utuminu ua Hoke, sobha ia Basane, ixi ioso ni jimbongo jê, ni ikanzu iê, ni matutuʼê iene ioso kiá.

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Josuué 1:7

Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.