7 O ki mua tula-phe bhu kididi kiki, Sehone, sobha ia Hezebone ni Hoke, sobha ia Basane, a tu tundila mu ku tu kauidila phala kubhânga; etu-phe tua a kuama.
Balumukenu-phe mu katuke ni kuenda, mu kuzaúka o honga ia Anone; talesa-phe Sihone, mukua-Mamodi, sobha ia Hezebone, nga mu bhakula bhu lukuaku lué, ni oxi iê ioso; bokona kiá mu kúvua undundu ué, muandekele muene mu kúlua-na phala mu bhange-nê mvunda.
Oxi-phe tua i bhitisa muene ku undundu uetu, thembu ienhoio; tunde kiá ku Alouele ua zukama ni honga ia Anone, ni kaxaxe ka mulundu ua Ngiliiade ni jisanzala jê, nga i bhana ku anʼa Lubene ni anʼa Ngadi.
O kaxaxe ka muiji ua Manasa nga u lunduisa o mbandu ia Ngiliiade ia subhukile, ni Basane ioso, mua kexile o utuminu ua Hoke, ni dikaẋi dioso diaʼxi ia Angobe. (Mu xahulu o Basane ioso, akexi ku ixana exi oxi ia mazonda, o Jinefalime.