Matendelelu 28:62 - O Mikanda Ikola

⁶² Mua-nda kuxala-phe kiá ngó mu tumbalumbalu tua athu, suke mʼokulu-phe muavudile kala jithéthembua ja diulu; mbata eie kua xikina kubhana mátui ku dízui dia Jihova Nzambi ié.

Matendelelu 28:62 ပူးပေါင်းရင်းမြစ်များ

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Izaía 24:6

O kienhiki, kiene kia bhekela o mázui kusekalesa oxi; o ió oso a tungu-mu a-nda ku di-kota; mukonda dia kiki, a-tungi-a-xi a-nda kua oha, mua kà subhuka ngó athu òfele.

Nehemiia 7:4

O sanzala ia, tambula ixi mu kukula, kuma ia kexi ia dikota kinéne, athu-phe kʼa kidi a kexile-mu; ni jinzo kiluua a zubha ue ku ji tunga dingi jene joso.

II Jisobha 24:14

Iú ua balakala ene oso a tunga mu Jeluzaleme; kutale o ilamba iê, uixi athuʼoso a mazonda, ni akua maufunu o jikalupindelu ni asudi-a-thumba; mu ku alula a tena kuinhi dia midi ia jihutile; ki bhu xala muthu kikale ngó o jingadiama ja ngadiadia ku mundu mʼoxiʼomo.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

II Jisobha 13:7

Mukonda o Jouakaji muene ue ka mu xila dingi mala a ita, kikale ngó makuinhi a tanu a ió ene mu kusambela jikabalu, ni dikuinhi dia makalu ni kuinhi dia midi ia muthu a tena kuimana; mbata o sobha ia Sídia ua a sengulula iú ua a bhange kala fufutila ia mavu, ni ku a zuka-zuka.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Amoji 5:3

Kuma Jihova Nzambi uambe kiki: Mu sanzala muoso mua tunda jinga midi ia makuenze a ita, Muene ua kà xisa-mu ngó hama; o mu ioio mua tunda jinga o hama, ua kà xisa-mu dikuinhi ngó dia akua bhata dia Izalaiele, toka!