Matendelelu 28:60 - O Mikanda Ikola

⁶⁰ Jihova ua kà bhangesa kuila o kikote kioso ni mauhaxi oso a ku kuatele uomʼô, a bhiti na-u akua Ijito, a kà ku vutukila eie, hé a ku naminina muene, anga u di bonga na-u.

Matendelelu 28:60 ပူးပေါင်းရင်းမြစ်များ

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 9:14

Mukonda o kiki kiá nga-nda kutumikisa o mabhebhu ami oso ku thandu dia muxima ué, ni ku thandu dia akua mbèle ié, ni ku mundu ué; phala eie u kʼijiie kuma eme ki ngi moneka mukuetu nga soko-nê mu ngongo ioso.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Matendelelu 28:27

Jihova u ku tatesa ni mikôngo ia tokala akua Ijito; anga ku di ta matute ni jihana ni madiazela, ma ku kuatela ku mataku, anga uila o saké, lémbua.

Matendelelu 28:59

kienhókio Jihova-phe ua-nda ku ku tudikila-ku kiá mabhebhu a makota a madiuanu, eie ni muiji ué uoso ua-nda ku ku kaiela, u mi bhana mauhaxi aiibha, né a a saka, ka xikina kuiluka. A kala mabhebhu aiibha kiavulu, a nangenena; mahaxi aiibha kiavulu, a nangenena.

Matendelelu 7:15

O Jihova u ku saka anga uilukila-ku kiá muene, kuma u kuebhesa ku ma-uhaxi moso; ka ku ehela ku kata uhaxi u difangana ni ma-uhaxi ma akua Ijito, u uejiiʼó; inda ma-uhaxiʼomo ua-nda ku ma tuika oso a ku zembe.