Matendelelu 28:57 - O Mikanda Ikola

⁵⁷ Ua zemba kiki mukonda ngó dia kibu ni ima dingi itundila mʼoxi a inama iê mu kubhanduluka; o kia vuala mona, anga udiê, u a dila mu kasuekèle bhu hota, o munumiʼê a zekele-nê bhu hàma imoxi, u mu imina-u, mukonda-phe dia kukamba kúdia kuengi, kingumba o jinguma jenu ja mi bhondeleka ni ku mi kondela kuene kuoso, anga ku mielu ienu ioso kuila ngé.

Matendelelu 28:57 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Jisobha 6:28

Sobha hé u mu kumbulula dingi, uixi: Ihi iene i uala na-iu? Muene uixi: Muhatu iú ua ngʼambela, uixi: Beka monʼé, phala tu mu die lelu, o mungu, tu die ue monʼami.

II Jisobha 6:29

Etu-phe tua lambe monʼami, etu tua mu di; maji-phe mu kizuua kia kamukuá ki ngi muʼila: Beka monʼé phala tu mu die, muene monʼé ua mu suekʼé.

Izaía 49:15

Manhi muhatu u tena kujimba monʼê ua mu vuala, katé kia suka muene bhu kuehelela, mona ua tundu mu mala diê? Né-mbe bhu kala mama u landuka monʼê, eme-phe kana, kuma eie ki nga kà ku jimba, lémbue!

Kuditenda 4:10

Maku ma ahatu, a zola Nzambi, ene muene a lambe o tuana tuâ-ene! O xitu iâ iene o huta ia kúdia kuâ, bhu thembu iabhiẋila o kusenguluka kua monʼa kilumba kia mundu uami, enu mala!

Matendelelu 28:53

Kienhókio o mbutu ia mu mala dié, ua-nda ku idia xitu; ua-nda kúdia muene o xitu ia anʼé a mala ni anʼé a ahatu, a-nda ku ku bhana-na kua Jihova Nzambi ié, mu kuila ngongo ja ku kondo kiá, mukonda dia nguma jé ja ku kondoloka mbandu ni mbandu.