Matendelelu 28:54 - O Mikanda Ikola

⁵⁴ Bhenhobho muthu uoso a kexe ku mu ila mu Izalaiele exi, munjólo, kusangumuka kuvula, mukua kiadi, kienhókio ua-nda ku kituka muthu uaiibha, mesu a kà mu tunda mu mútue, ka kà suua dingi phangʼiê, mba mukajiʼê ene-phe-ne bhu háma imoxi, mba o ana oso hanji a nu xala-ku.

Matendelelu 28:54 ပူးပေါင်းရင်းမြစ်များ

II Samuuele 12:3

maji ngadiama-phe kala ni kima, kibhaku kiala-na-kiu kamona kamoxi ka mbudi ka mukaji, ua ka sumbu, iu ua ka sase; anga u kala na-ku, ka kudila kumoxi ni anʼê; ka dia ku kakudia koso ka dia muene, ka nua ku nganza ioso i muina muene, ka zeka bhu jihata jê, kifua ka di bhange kala kamona kê ka muthu.

Jisálamu 103:13

Kala tata, anʼê u a kuatela henda, kiene ue Jihova u kuatela henda oso a mu kala ni uoma.

Jisabhu 23:6

Muthu se ua mono kala uala ku ku toka diesu, eie-phe kana kudia ku mbolo iê, o makudia mê ma toualʼomo, ki ma ku kuate luimbi.

Jisabhu 28:22

Muthu kia kala ni diesu diaiibha, dia luimbi, u di ta mazalu mu kuata jimbongo; ka kʼijiia-phe kuila uadiama ua mu kinga ku pholo ku aia.

Izaía 49:15

Manhi muhatu u tena kujimba monʼê ua mu vuala, katé kia suka muene bhu kuehelela, mona ua tundu mu mala diê? Né-mbe bhu kala mama u landuka monʼê, eme-phe kana, kuma eie ki nga kà ku jimba, lémbue!

Mikeia 7:5

Kana kuẋikina ki ku tangela o dikamba, o kazola ké kana ku mu dielela; katé ni mabhitu a dikanu dié ku a jikuile o muhatu ua zeka bhu jihata jé.

Matesu 11:8

Ihi-phe i muele kulonda? Diiala dia zuata izuatu ia matunda? Talesa, a zuata izuatu ia matunda a kala mu jimbanza ja jisobha.

Matesu 20:15

Kífua o kiami eme-muène, ki ngi bhangeʼami na-kiu kioso ki nga mesena? Eie o diesu diê di kala ni dixinga, mukonda diami eme nga bhange o mbote?

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Matendelelu 28:53

Kienhókio o mbutu ia mu mala dié, ua-nda ku idia xitu; ua-nda kúdia muene o xitu ia anʼé a mala ni anʼé a ahatu, a-nda ku ku bhana-na kua Jihova Nzambi ié, mu kuila ngongo ja ku kondo kiá, mukonda dia nguma jé ja ku kondoloka mbandu ni mbandu.

Matendelelu 28:55

O kia kuata kudia xitu ia anʼê, muhatu ni mona, ni phange, ka a bhana-ku ka musuinhi, mukonda dia kukamba kima kiengi kia kúdia; kuma mu mukondo ni dilamba dia jinguma jé ja ku kondoloka ku mielu ioso mu jimbonge jé ku kuedi ngé, ua lémbua dingi kima kioso ki u bhanga!