Matendelelu 28:52 - O Mikanda Ikola

⁵² Sanzala jé joso ja kà sekala, kuma a kà ji kondoloka ku jinguma; o imbaka ié ioso iamakota i ua dielelele, ia ku fikidile kiambote, a i lundumuina bhoxi. Mu ididi ioso mu uatungu ua kà kala ni mukondo, a kà ku kondela bhu mielu ioso katé kiá kua suku oxi ioso ia-nda ku ku bhana Jihova Nzambi ié.

Matendelelu 28:52 ပူးပေါင်းရင်းမြစ်များ

II Jisobha 18:13

Maji ue, ku tula mu muvu ua kuinhi ni kiuana ua utuminu ua sobha Ezekiia, o Senakedibe, sobha ia Asídia, ua bande mu kúlua ni jimbonge ja nguzu, ja di xitila imbaka mua Juda, ií ua ji tolola.

II Jisobha 6:29

Etu-phe tua lambe monʼami, etu tua mu di; maji-phe mu kizuua kia kamukuá ki ngi muʼila: Beka monʼé phala tu mu die, muene monʼé ua mu suekʼé.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Jelemiia 10:17

Eie ua tunga mu mbonge ia kolo, bhongolola o umonhi ué uoso moxʼumu.

Jelemiia 10:18

Mbata Jihova uambe kiki: Tala-ze, kiki kiá, akua bhata moxʼumu nga-nda ku a takula, kala a a takula ni funda, hé nga a bhondeleka, nda ki a xixime, ni kuila:

Jelemiia 37:8

Anga akua Kaldeia a kà vutuka mu kúlua ni mbonge iii, hé a i tambula nʼa kà ioha muene mu túbhia.

Kuditenda 2:2

Mabhata moso-lolo ma Jakobo, Jihova ua ma jikinisa, sé ngó ku a lendukila; jimbonge ja kolo, ja monʼa kilumba kia Juda, kia vulumuka o njinda iê, joso ua ji lundumuina bhoxi; utuminu uoso ua u kasanesa, o ilamba iê ia sebuluka.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Zakadiia 12:2

Talesa, eme Jeluzaleme nga-nda ku mu bhanga mukua ni kopho i bhekesa uoma oso ala mu jimbandu, ni Juda ue u kala ni uoma kia-nda kumona Jeluzaleme a mu kondoloka.

Zakadiia 14:2

Mukonda eme miji ioso nganda ku i bhongolola mu kubhânga, a lua ita ni Jeluzaleme; mbonge a kà i tambula o jinzu a kà ji bula ni ku ji bhûnda; ahetu a kà a ta jiphanda; mbandu muene ia mbonge ia kà-ia ku ubhika, maji o tumbalu-mbalu tua subhuka, mu mbonge ka kà tu kaia-mu.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Matendelelu 28:51

Luvualu luoso ta ibhaku ié ene a kà lu habula anga a lu minha, a kʼèkuta jinga ni idima iaʼxi ie, katé eie ua buika; enhá ima ioso a kà ku bhûnda-iu ka kà ku xila mbolo, mba ngó tuvinhu, mba maji, né ibhanga ia jingombe mba ilunga ia jimbudi, katé eie muene ua jikinina.