Matendelelu 28:51 - O Mikanda Ikola

⁵¹ Luvualu luoso ta ibhaku ié ene a kà lu habula anga a lu minha, a kʼèkuta jinga ni idima iaʼxi ie, katé eie ua buika; enhá ima ioso a kà ku bhûnda-iu ka kà ku xila mbolo, mba ngó tuvinhu, mba maji, né ibhanga ia jingombe mba ilunga ia jimbudi, katé eie muene ua jikinina.

Matendelelu 28:51 ပူးပေါင်းရင်းမြစ်များ

II Jisobha 25:10

O masoladi oso muene a kilômbo kia akua Kaldeia, a kexile kumoxi ni kabhitangu ka kilangidilu, a lundumuna o imbaka ioso ia kondolokele Jeluzaleme.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Jelemiia 15:13

O jimbongo jé, ni mabhakelu mé, nga-nda ku a bhakula phala ku ku bhunda-u, mu ngoho; kia ki bheka-phe o ituxi ié ioso, ki bhita muene mu jimbambe jé joso.

Jelemiia 17:3

Eʼ mulundu uami uene mu mukáu! o mvuama ué ni mabhakelu mé moso nganda ku a bhakula ku mbole, katé ni matala mé maia ue, mukonda dia kituxi, mu jimbambe jé joso.

Kuditenda 4:9

Afu ku xibhata a beta ujitu, dikue ió afu ku nzala, tata! Mbata iá a fu ku nzala, a tuama o kuhoha ni ku di xibha kala a a kubula, mukonda dia kukamba o ima ia kúdia i tunda ku mábhia.

Izekiiele 12:19

Akuaʼxi ua kà ambela, uixi: O Jihova Nzambi ua tange kiki ku mbandu ia iá a tungu mu Jeluzaleme, mu ixi ia Juda, kuila: O kúdia kuâ a kà kudia ni hele, o menha mâ a kà a nua ni kimbuua, mbata oxi iâ a-nda kua kà i bhunda, o ima ioso ia di-buenge izuluka-mu, mukonda dia kuhama kua ene oso a tunga momo.

Izekiiele 25:4

tala-ze, eie ue nga-nda ku ku bhakula bhu maku ma akua thunda, hé u tokala kua ene, o ene hé a ta momué o malombe mâ, momué muene mua kà tunga o mabhata mâ; ene hé a kà dia ku ibundu ié, a kà nua o lete ié.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Matendelelu 28:33

Idima itunda mʼoxi ié, ni ima ioso kiá i u talela hadi, a i dia kuala povo iengi eie-muène kua ejiia ngó, anga a ku bhondelekʼé ngó kienhiki izuua ioso.

Matendelelu 28:50

muiji ua isuéia, ua landamaná jipholo, ka ẋila muthu ua kuka kiá, ka xikina ku kuatela henda ia kamona kandenge!

Matendelelu 28:52

Sanzala jé joso ja kà sekala, kuma a kà ji kondoloka ku jinguma; o imbaka ié ioso iamakota i ua dielelele, ia ku fikidile kiambote, a i lundumuina bhoxi. Mu ididi ioso mu uatungu ua kà kala ni mukondo, a kà ku kondela bhu mielu ioso katé kiá kua suku oxi ioso ia-nda ku ku bhana Jihova Nzambi ié.