Matendelelu 28:4 - O Mikanda Ikola

⁴ Ia kà zedikua o mbutu i tunda mu divumu dié ni mbutu i tunda mu díbhia dié. Ia kà zediua o mbutu ia ibhaku ié ia jingombe, mba ilunga ia jimbudi jé. Tua kà zediua o tuana tua jingombe jé ni tuana tua jimbudi jé.

Matendelelu 28:4 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 39:5

Anga ki bhita kuma, tunde mu thembu ia mu bhana kutambula konda ia dibhata diê, ima ioso iú ua mu bhakuila-iu muene, Jihova u kala mu zediuisa o dibhata dia mukua Ijitu, mukonda dia Zuze; dibesá dia Jihova anga di kala ku thandu dia ima ioso iala-naiu, ni ku bhata ni ku mukáu.

Dimatekenu 49:25

Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 127:3

Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

Jisálamu 128:3

Mukajiʼê u kala kala muvide uala kuima kiavulu mu kithâdi kiaʼnzo iê, anʼê a di fua ixina ia midiva ia sabhuluka mu jimbandu ja meza mé.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Ijila 26:9

Enu-phe ngi mi sakukila muene kuma mesu ami ngi a ta kokuenu, anga ngi mi bhana o ku di vuala, hé ngi mi sokolola muene, anga ngi kolesa o kikutu kiami nʼenu.

Matendelelu 28:11

O jimbote Jihova ua-nda ku ku vudixila-ju kiá, akuenu oso ndenge; u ku bhana-ju ku ibundu ia divumu dié, u ku bhana-ju ku ibundu itunda mu ibhaku ié, u ku bhana-ju ku ibundu ia mavu aʼxi ié, mʼoxi ia lokela Jihova ku i bhana ku jitata jenu.

Matendelelu 28:18

Mbutu i tunda mu divumu dié ikala ue ni uíndua; o mbutu i tunda mu díbhia dié i kala ue ni uíndua; o ibhanga ié ia jingombe, ni ilunga ié ia jimbudi, ikala ue ni uíndua.

Matendelelu 28:3

Ua kà zediua mu sanzala, ua kà zediua ku mukáu mu ditutu.

Matendelelu 28:5

Kia kà zediua o kinda kié ni nguiku ié.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.