Matendelelu 28:26 - O Mikanda Ikola

²⁶ Bhuoso bhu ua kà fuila o kimbi kié kikale kúdia kua jinjila ja diulu ni iama ia mukáu mungongo, ki bhua kàla muthu u ji sasumuisa.

Matendelelu 28:26 ပူးပေါင်းရင်းမြစ်များ

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Izaía 34:3

O imbi iâ ibhinga ku i texe-texe ngó mu kanga, anga o mikutu iâ ikuata kunuha kibuzu; o milundu ià kʼèzala ni manhinga mâ.

Jelemiia 15:3

Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 34:20

ngi ki tanga muene, kuila nga-nda ku a bhakula bhu maku ma jinguma, ni bhu maku ma iá a mu a sotela kalunga kâ, o imbi iâ ia kà kituka kúdia kua njila ja diulu ni iama ia mukáu.

Jelemiia 7:33

O imbi ia mundu iú ia kà di bhanga huta ia jinjila ja bhulu ni ia iama ia mukáu; u ji kaiesa ka moneka.

Jelemiia 8:1

Mu kithanganʼomo, Jihova uixi: a kà vumbumuna ifuba ia jisobha ja Juda, ni ifuba ia ilamba iâ, ni ifuba ia jinganga, ni ifuba ia misesedi, ni ifuba ia jithunge ja Jelezaleme, hè a i bheka ku kanga dia jimbila jâ.