Matendelelu 28:25 - O Mikanda Ikola

²⁵ Jihova u ku toluela muene bhu pholo ia ʼnguma jé; mu ku tundila o jinguma jé phala kutakana-na-ju, uila u a kaia mu njila imoxi, eie-phe ua kà lenga lusambuadi bhu pholo iâ, a kà ku lebhula mu jixi joso mu ngongo.

Matendelelu 28:25 ပူးပေါင်းရင်းမြစ်များ

Izekiiele 23:46

Mukonda o Jihova Nzambi, uambe kiki: Nga-nda kubhangesa kuila kifuẋi kia dikota ki banda mu kuzokanâ, hé ngʼa bhakula mu ku a bhanga ufe ni ku a bhûnda.

Izaía 30:17

Midi ia mala a kà lenga muténdu ua muthu umoxi, ku mutendu ua kitanu, enu-oso-lolo mua kà lenga, katé ki muà xalela mua batukila, kala muxi ua mvela bhu thala ia mulundu, mukua ni mvela ia xala bhu kalundu.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Matendelelu 28:7

Jihova ua kʼènda ni ku ku toluela o jinguma joso ji balumuka mu ku ku kanena, u a nemeka muene bhu pholo ié. Se eza njila imoxi mu kubhânga ni eie, eie ua-nda ku a kaia, a ku lenga mu sambuadi dia njila.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Jelemiia 34:17

Uila kiki, Jihova uambe, uixi: Enu nguenu ku ngʼivua eme, phala kukola ufolo, muthu u kolela kua phangʼiê, muthu u kolela kua mukuá; kiki-phe, talenu, eme nga-nda ku mi kolela ufolo, Jihova ua kiambe, muia ku xibhata, muia ku dibhebhu, muia ku nzala, anga nga-nda ku mi bhana kala kima ki sasumukisa mautuminu moso mu ngongo.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Josuué 7:4

Ku kifuẋi anga kuiʼé ngó midi jitatu ja makuenze; enhá anga a a kaia kuala akua Hai.

Afundixi 2:14

Njinda ia Jihova anga i uamena Izalaiele, Muene hé u a bhakula bhu maku a ingumba i kala mu ku a bhûnda; anga u a tambuisa bhu maku a jinguma jâ, ja a kala mu jimbandu, katé ka tena dingi kuimana mu kubhânga ni jinguma jâ.

I Samuuele 4:10

Akua Fidíxia anga a bhânga ni nguzu ioso, a beta Izalaiele, ene anga a lengela kala muthu ku bhata diê. Anga bhu bhita kihaẋi kia dikota, kuma ku mbandu ia Izalaiele kua dibhale makuinhi atatu a midi ia muthu akua kuenda bhoxi.

I Jisobha 8:33

Kioso kia kuama o kifuxi kié kia Izalaiele ene anga a lenga ku pholo ia nguma jâ, mukonda a ku tela kituxi, anga ene a diela o kituxi kiâ ko kué, anga a ximana o dijina dié, ni kusamba ni ku kudionda eie mʼonzo mumu,

II Malunda 28:8

Anʼa Izalaiele anga ambata ku jiphange jâ, akua Juda, hama jiiadi ja midi ia athu, a a kutu, ni ahetu, ni anʼa mala ni anʼa ahetu; anga a bhunda ue ndumba dia ima, hé eza na-iu mu Samádia.

II Malunda 29:8

Kí kia bhekesa njinda ia dikota ia Jihova ku thandu dia Juda ni Jeluzaleme, iu ua a bhakula ku kikènene, ni ku dibuikilu, ni ku a xikila jisupiia, kala enuʼenu ki mua lu di muena-kiu ni mesu menu.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

II Malunda 6:24

Kioso ue o kifuẋi kié, kia Izalaiele, kia a kuama ku jinguma mukonda dia ku ta kituxi kokué, ene anga a diela, hé a fisala o dijina dié, anga a samba, hé a dionda bhu pholo ié, mʼonzo mumu,

Hozeia 8:3

Izalaiele o mbote ua i jini; nguma-phe ianda ku mu zudidika.