Matendelelu 28:22 - O Mikanda Ikola

²² Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.

Matendelelu 28:22 ပူးပေါင်းရင်းမြစ်များ

I Jisobha 17:7

Anga ki bhita-phe kuila, ku izuua, kangiji ka uinina, mukonda kienhokio mu ixi ki mua nokene mvula.

I Jisobha 8:37

Kioso mu ngongo ki mu iza nzala, kioso ki mu iza dibhebhu, kioso ki mu kala kiaúla kia idima, kioso ki mu iza ngulele mba kihoho ni kabótua, kioso o nguma iâ kia a batuila bhu mabhitu ma ixi iâ, mba kukala dibhebhu dioso-dioso mba uhaxi uoso-uoso.

II Malunda 6:28

O mu ngongo ki mu kala nzala, mba mu kala kipheku, mba kiaúla kia idima, mba ngulèle, mba kihoho, mba kajeja, kioso jinguma ki ja a konda mu jixi joso ja zukama na-ju, mba ku kala dibhebhu dioso-dioso, mba uhaxi uosouoso,

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Ajeu 1:11

Eme nga bheka hâmba ku thandu a ixi, ni ku milundu, ni ku tiliku ni ku vinhu ia ubhe, ni ku maji, ni ku idima ioso ima ku mavu, ni ku thandu dia athu, ni ku thandu dia iama, ni ku thandu dia ikalakalu ioso ibhanga athu ni maku mâ.

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.

Ajeu 2:19

Phala mu mone mba mu kitula hanji mu kamba jimbutu, mba muvide, ni mufiku, ni mulomela, ni mudiva, iene ioso i kamba kubhana dingi ibundu iê; maji tunde lelu katé ku pholo nga kà mi zudiuisa muene kia nzungule.

Zakadiia 14:12

O dibhebhu, Jihova dia-nda kuà kà jikinisa na-diu akua jixi oso alu ita ni Jeluzaleme, dienhidi: Xitu iâ ia kà sekumuka ku mukutu kuila ene hanji emana; mesuʼâ a kà bolela mu mútue; o dimi diâ, mu kanu, dia kà lutuka.

Matendelelu 28:23

O diulu dioso di zenzamena bhu thalʼa mútue ué di kale dia ngòndo; o mavu ue u u diata bhoxi akale mukuâ ni felu.

Matendelelu 32:24

A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.