Matendelelu 28:20 - O Mikanda Ikola

²⁰ Jihova ua kà ku tumikisa mázui ni lusébu ni kubhondalala ku ima i u bhanga, o ku ua kà sukʼoko usekumuka muene, anga utukumuka uajimi o mbutu mu kathembu kófele ngó, mukonda ua di bhange phulu mu ku ngi ta dikunda ni ikalakalu ié ia iibha i uala kubhanga.

Matendelelu 28:20 ပူးပေါင်းရင်းမြစ်များ

Jobe 24:18

Enu muexi: Akua phulu ene mu a kungulula lusolo ku thandu dia menha; ku mundu, o dikànda diâ dia kuxixima; o mu njila ja mábhia a mivide ene kʼendela-mu dingi.

Jisálamu 7:11

Nzambi mufúndixi ua kidi, kuma u fúndisa mu uiukilu uê; Nzambi uene mu kuluuala izuua ioso.

Izaía 28:19

Dilúvio dia-nda ku mi bhituila bhu dimatekenu bhene, kuma dilúvio diodio di bhita jinga imene ioso, muanha ni usuku; mu kuívua ngó o fuma iê, ki bheka kubhondalala kua dikota.

Izaía 30:17

Midi ia mala a kà lenga muténdu ua muthu umoxi, ku mutendu ua kitanu, enu-oso-lolo mua kà lenga, katé ki muà xalela mua batukila, kala muxi ua mvela bhu thala ia mulundu, mukua ni mvela ia xala bhu kalundu.

Izaía 51:20

O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Ijila 26:38

Mua kà buikila muʼaxaxi ka matumbu, oxi ia jinguma jenu ia kà mi jikinisa hé mu jima o mbutu.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Matendelelu 28:8

Jihova ua-nda kutuma kusuku-muina o dibesá diê ku itula ié-eie, ni ku ikalakalu ioso i u bhanga ni maku mé; anga muene u ku bhana kuzediua mʼoxi ioso ia-nda ku ku bhana Jihova Nzambi ié.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

Afundixi 2:15

Kuoso-kuoso ku a di tela a sanga lukuaku lua Jihova luala ku a bhanga kiaiibha, kaia Jihova muene kia a zuelelele ni kia a lokela, anga a kala mu tata kiavulu, kuma ku mbandu joso a a phopheka.

I Samuuele 14:20

Ni Saúlu-phe, ni mundu uoso aia-nê, a bhongoloka hé eza ue ku ita, Anga a sanga ene oso ala ku di jibha-jibha kiá mu diâ, hé bhu bhita kibuika kia dikota ku jifilisteu.