Matendelelu 28:16 - O Mikanda Ikola

¹⁶ Ua kà kala ni uíndua mu sanzala, ua kà kala ni uíndua ku mukáu.

Matendelelu 28:16 ပူးပေါင်းရင်းမြစ်များ

Dimatekenu 5:29

Anga u mu luka dijina dia Noué, uixi: Muenʼiú u tu bhandulula mu ibhangelu ietu, ni mu kukalakala kua maku metu, mukonda dia mavu iá òʼnake kuala Ngana.

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 17:12

Eme-phe muhatu, uixi: Ngana Nzambi ié kuene kuala, kuma eme né ngó mbolo imoxi ki ngala na-iu; ngala ngo ni dibhûbhu dia tufuba mu ímbia, ni tumaji tuofele mu themda. Kiki talaze kunu, nga kanga o tumiẋi tua jihuinhi tutu, eme ngala kuia kiá ku lamba o tufuba tuenhoto anga tudia nʼeme ni monʼami, hé tufuetu kiá.

I Jisobha 17:5

Muene-phe jia, anga u bhanga kala kia mu ambela Ngana; mbata uaii muene, anga u kala bhu mbanduʼa kangiji ka Kadite, kala ku pholo ia Njolodá.

Jobe 24:18

Enu muexi: Akua phulu ene mu a kungulula lusolo ku thandu dia menha; ku mundu, o dikànda diâ dia kuxixima; o mu njila ja mábhia a mivide ene kʼendela-mu dingi.

Jisabhu 3:33

Mázui ma Jihova u ma sanga mʼonzo ia athu a bhumu; maji o dibesá diê diala ku dibhata dia athu aiuka.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Jelemiia 14:18

O ki ngiia ngiie ku mukáu, talesa athu afu ku xibhata, iá; o ki ngiia ngi bokone mu mbonge, a benguka ni nzala, iá; katé-ze ni misesedi ni jinganga, a kondoloka ixi ni kubungana, ni kua di tela kejiia-ku.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Kuditenda 5:10

Kikonda kia tu hîmbi-ni-kiene kala forno, mukonda dia hadi ia nzala.

Jouele 1:4

O kia subhuka ku jithothola, kia diua ku kihoho, kia subhuka ku kihoho kia diua ku kabôtua, kia subhuka ku kabôtua kia diua ku kajeja.

Jouele 2:3

Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.

Zakadiia 5:4

Mázui eme nga kèza na-u, anga ngi bhangesa kuila a bokona mʼonzo ia muii ni mʼonzo ia iú u loka ngó makutu mu dijina diami; anga a kà bhita usuku ua muvinba muenhomo mu kaxi ka inzu iê, anga inzuʼoio a kà i jikinisa ni miẋi iê ni matadi mê, kumoxi, Jihova dia Ilombo Ieta ua ki tange.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Malakiia 4:6

Muene Ua kà bhangesa kuila o miẋima ia jitata i biluka ku anʼâ, o miẋima ia ana i biluka ku jitata jâ; Phala ki ki bhite, kuila ngʼiza ni ngi buidisa oxi ni mázui.

Matendelelu 28:55

O kia kuata kudia xitu ia anʼê, muhatu ni mona, ni phange, ka a bhana-ku ka musuinhi, mukonda dia kukamba kima kiengi kia kúdia; kuma mu mukondo ni dilamba dia jinguma jé ja ku kondoloka ku mielu ioso mu jimbonge jé ku kuedi ngé, ua lémbua dingi kima kioso ki u bhanga!