Matendelelu 28:1 - O Mikanda Ikola

¹ Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.

Matendelelu 28:1 ပူးပေါင်းရင်းမြစ်များ

I Malunda 14:2

Davidi anga ki mu tetulukila, kuila o Ngana Nzambi muene ua mu lumbu mu kukala sobha ku Izalaiele; kuma o utuminu uê ua dikudisa kiengi mukonda dia henda ia Nzambi ku mundu uê ua Izalaiele.

Jisálamu 106:3

Azediua ió oso a kumbidila o kidi kia fuama; ni ió izuua ioso a bhanga o ima iaiuka.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:6

Jisonhi-phe ki jeje ku ngi kuata, mukonda o itumu ié ioso nga i te muene muẋima.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 23:22

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Jelemiia 17:24

Jihova uambe uixi: Kia-nda kubhita-phe kiki, se mu ta-bhu makidikidi mu kubhangela ku ngʼivua eme, hé mu fula ku bokuesa imbamba mu mbonge, bhu mielu iii, mu kizuua kia Sabhalu, anga mu kolesa o kizuua kia Sabhalu, ni ku kamba kubhanga-mu kikalakalu kioso-kioso,

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Nzuá 15:14

Enu mu makamba mami se mu bhanga ima ioso i nga mi tumu.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Matendelelu 11:13

Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Matendelelu 11:27

Kuzediua se mu tumaka o ijiia ia Jihova Nzambi ienu, i ngala ku mi tendelela lelu;

Matendelelu 15:5

Kabasa eie u kalé ngó u muthu ua tumaka kiambote o dízui dia Jihova Nzambi ié ni muanu uoso; anga uenda ni kualuka jinga o ijiia ioso i ngala ku ku tendelela lelu.

Matendelelu 26:18

Jihova lelu ua ku jingisa iu ua ku edi: Tanga-kiu muene kuamba u kala u kifuẋi kiami muene, kala kia ku ambelele kiá, iu ua ku solo phala uende ni kualuka jinga o ijiia iê ioso.

Matendelelu 26:19

Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 28:13

Jihova ua-nda ku ku bhanga u mútue, ku kala u mukila, kana; kididi kié u kala jinga ku thandu, kukala bhoxi, kana; kabasa eie u tumaka jinga o ijiia ia Jihova Nzambi ié i ngala ku ku tendelela leluʼiii, anga u i ta ku muxima, hé uia jinga ni ku i bhanga.