Matendelelu 27:26 - O Mikanda Ikola

²⁶ Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!

Matendelelu 27:26 ပူးပေါင်းရင်းမြစ်များ

II Jisobha 22:13

Ndé-nu muà ngʼibhuile kua Jihova, nʼeme ni mundu iú, ni Juda ioso, ku mbandu ia maka a divulu didi dia bongo; mukonda o njinda ia Jihova ia tu kuatela ia vulu; mbata o jitata jetu ka bhele mátui ku maka a divulu didi, phala kuenda ni kubhanga ioso iòsoneke momo ku mbandu ietu.

Ejidala 7:26

Uoso-uoso u kamba kualuka kitumu kia Nzambi ié-eie, ni kitumu kia sobha, ua fuama ku mu jibha, mba ku mu tumikisa oxi ia dikanga ni ku mu balakala, mba ku mu tambula jimbongo joso jala na-ju, mba ku mu ta mʼonzo ia dikuikilu (mu kaleia). Mahezu.

Jisálamu 119:21

Eie, Ngana, u bazela akua izala ni kuhalumuka kuoso; u a ta mázui, oso a dianguka ni kuxibhaka o ijila ié.

Izekiiele 18:24

Maji, o muthu ua iuka se u bhambuka mu kuiuka kuê, hé u ta ituxi, ni kubhanga isunji ioso kala ki bhanga mukua phulu, muthu ió mbe u kola muenhu? Makuiuka ê oso muene a bhanga jinga ki bhuà kala ku a xinganeka dingi; mu kutondala kuê kua tondala na-ku, ni mu kituxi kiê kia-te, muène mua kà fuila.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

II Kolindo 3:9

O kikalakalu kia bhana o kuêla ku athu kia kexile kia matunda. Kuambe dingi mu kukala kota-kota ku matunda o kikalakalu ki a bhana o kulunga!

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!