Matendelelu 27:2 - O Mikanda Ikola

² Kioso ki uà zubha ku zaúka Njolodá, anga u diata mu ixi ia-nda ku ku bhana Jihova Nzambi ié, bhenhobho bhetula u imike matadi mònene, u ma kaiala ni hála.

Matendelelu 27:2 ပူးပေါင်းရင်းမြစ်များ

Jobe 19:24

Mba, ni kisonekenu kia utadi ua felu ni ua ximbu, a ma seta muene bhu ndanji ku mivu ni mivu!

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Izekiiele 36:26

Anga nga kà mi bhana muẋima ua ubhe, ni nzumbi ia ubhe, i ngi ta moxi dienu; o muẋima ua xitu ienu, ua ditadi, nga kà u katula-mu, anga ngi mi bhana muẋima ua misuínhi.

Matendelelu 11:31

Mbata Njolodá mua-nda ku mu zaúka muene, anga mu bokona mu kúvua oxi ioso i mi bhana Jihova Nzambi ienu; enu mua-nda ku iʼvua muene, muene mu mu tunga.

Matendelelu 26:1

Mu kuila-phe eie ua bokona kiá mʼoxi ia-nda ku ku bhana Jihova Nzambi ié mʼubhinganu, anga u iʼvua, anga utunga muenhomo,

Matendelelu 27:1

Mozé ni adiakimi anga a bhana o ngonge ku mundu ua Izalaiele, exi: Ijila iii lundenu-iu, i ngala ku mi tendelela lelu.

Matendelelu 27:3

O ki u zubha kuzaúka, kuene ku ua kà soneka o maka moso ma Kitumu kiki, phala kubokona kiua mʼoxi ia-nda ku ku bhana Jihova Nzambi ié, oxi i zunzumuka lete ni uiki, kala kia ku ambela kiá Jihova Nzambi ia jitata jé.

Matendelelu 27:4

O ki u zaúka Njolodá, matadiʼama u nga ku tendelela, imikenu-u muene ku mulundu ua Ebale, mu ma kunge hála.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Josuué 1:11

Bhitenu mu kilômbo muambele mundu a iudike huta; kuma izuua ki i tena, mua-ndu zaúka Njolodá muenʼiú, ni mu bokone mu tambula ixi ia mi bhana Jihova Nzambi ienu, nʼi kale ixi ienu.

Josuué 4:1

Kia zubha kifuẋi kioso kuzaúka, ku sámbua dia Njolodá abhu-ku, Jihova uambela Josuué, uixi:

Josuué 8:30

Josuué anga u tunga kalatódio ka Jihova, Nzambi ia Izalaiele, mu mulundu ua Ebale,

Josuué 8:31

kala Mozé mukalakadi ua Jihova, kia tumu anʼa Izalaiele, kala kia ki soneka ue mu divulu dia ngonge ia Mozé, kuila, kalatódio ka kala ka matadi, a bundungulu, kana muthu luua ua bhitisa-ku felu ioso-ioso; anga a satela-ku kua Jihova, ni jisata ja kuoha, ni jisata ja uembu.

Josuué 8:32

Anga u soneka-ku, ku matadi, maka ma ngonge ia soneka Mozé, ia sonekena bhu pholo ia anʼa Izalaiele.