Matendelelu 27:15 - O Mikanda Ikola

¹⁵ Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 27:15 ပူးပေါင်းရင်းမြစ်များ

Dimatekenu 31:19

Kienhiki-phe kuma Labano ku bhata kala-ku, uaii mù bhuta o jimbudi jê, Lakele u nhana o iteka ia tokala mʼonzo ia tatʼâ.

Dimatekenu 31:34

Lakele-phe ua dianga kukatula o iteka, iú ua i sueka mu dikombola dia kamelo, iú ua i xikama ku thandu. Labano anga u xaxata o ima ioso iala mu balaka maji o iteka ka i mono.

Dimatekenu 9:25

Anga u zuela, uixi: Kanana a mu bhubhidile; A kale mubhika u bhikila abhika, Jiphange jê ji mu tumina jinga.

II Jisobha 17:19

Katé ni Juda muene ue, ua lémbua o ijila ia Jihova, Nzambi iê; akua Juda kia beta ku a uabhela, o kuenda mu jingonge ja Izalaiele, ja di-bhangela ene-muene ngó.

II Jisobha 23:13

O sobha ua tumbulula ni matala a lulamene ni mbanza ia Jeluzaleme, a kexile ku mbandu ia Kadilu ia Mulundu ua Kibuika; ene a a tungile kuala Solomá, sobha ia Izalaiele, mbé o dihamba dia Jitalote, o kisunji kia akua Sidonha, ni Kamu, o dihamba ni kisunji kia akua Mouabhe, ni Midiko, o dihamba ni kisunji kia akua Amone.

I Malunda 16:36

Atane-ku! Jihova, Nzambi ia Izalaiele, ku jihama ja mivu ni mivu! Mundu uoso hé u zuela: Amém! Anga a tanesa Jihova.

II Malunda 33:2

Anga u bhanga muene kia ibha ku mesu ma Jihova, kiene kia matumbu ma kaiesa Jihova bhu pholo ia anʼa Izalaiele mukonda dia maufusa mâ, kiene ue kia bhange muene.

Makatukilu 20:23

Ki mu kale-phe ni nzambi jengi hé mu ngi bunda na-ju kumoxi; kana ku di iudikila nzambi ja phalata, mba nzambi ja ulu.

Makatukilu 20:4

Kana ku di iudikila kiteka kiósonge, né kidifanganu kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Makatukilu 34:17

Eie-phe kana ku di iudikila jinzambi ja utadi uòzunze.

Izaía 44:13

O musongi-a-mabaia uta lékoa, u xinda ni lápi ia njilu, u songa ni palana, u xinda ni kompaso anga u bhanga o nzambi ié mu kudifuanganu kia muthu, u i fikisa mu lubhe lua muthu, phala ni i kala mʼonzo.

Izaía 44:17

Bheneʼobho ku kiximbu kia subhuka-bhu u ki iudika kia nzambi, kiteka kia kuseta; u ki fukamena, u diunda bhoxi, u ki tela jihasa, uixi: Ngi kudile, mukonda eie muene u Nzambi iami.

Izaía 44:19

Ki bhuala u ki ta ku muẋima, a lémbua kuijiia, a lémbua kilunji kia kuxinganeka, kuila: Mbandu nga i oha mu túbhia, ku makala mê kuene ku ngʼohela o mbolo, kuene ue ku ngohela o xitu, eme nga i di; abha-phe o luhuinhi lua subhuka-bhu mbé ngi lu bhanga kiá kima kia kisunji? Kifua o kima kia tundu ku muxi kiene muene ki ngi fukamena?

Jelemiia 11:3

A tangele-phe: Jihova, O Nzambi ia Izalaiele, uambe kiki: Uoso u kamba kuívua o maka ma kikutu kiki, mukua mázui,

Jelemiia 11:5

bhenhobho-phe nʼeme bhene bhu nga-nda ku di ẋikinina o ku kumbidila muloko u nga lokele, ku jitata jenu kuila hinu ngʼa bhana oxi i zunzumuka lete ni uiki, kala ki mua mu ki mona leluʼidi. Eme bhenhobho nga kumbulula, ngixi: Èué, Jihova tata!

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jelemiia 28:6

Jelemiia, polofeta, anga uʼamba kiki, uixi: Amén! Jihova a bhange kienhokio! Jihova a kuatese o maka mê u ua tange eie, mu upolofeta, a tone dingi kubheka itutu ioso ia inzu ia Jihova, ni jihutile joso jʼendele ku ubhika mu Babilonha, nʼeze dingi bhu kididi kiki:

Izekiiele 14:4

Kala kiki, zuela-nâ ua ambela, kuila: Jihova Nzambi uambe, kiki: Muthu uoso-uoso mu dibhata dia Izalaiele, uimika o iteka iê mu muẋima uê, anga o kidibhukanu kia kuiibha kuê hé u ki tula bhu pholo iê, nʼeze ku musesedi, eme, ngi Jihova, hé ngi mu mona, Ememuène nga-nda ku mu vutuila kala kia soko o ndumba dia iteka iê.

Izekiiele 7:20

O matunda ma makembu mâ, muene ua ma tula ku unéne; maji ene a bhangemu iteka ia maufusa mâ ni isunji ki i xikina ku i tanga; kiene ue eme ki nga a lunguluila kala kima kia bolo phala ene.

Daniiele 11:31

Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 9:11

Xi, Izalaiele ioso-lolo kitumu kié a ki lueza, abhuka mu njila, mbé o dízui dié a fule ku di tumaka. Mukonda dia kienhiki, ni mázui, ni mulôko uoso uòsoneke mu kitumu kia Mozé, ngunza ia Nzambi, ioso muene ia di lunduluila ku thandu dietu; mukonda Jihova tua mu te kituxi.

Ijila 19:4

Kana kulunga jipholo jenu ku mahamba, kana ku di ludikila jinzambi ja utadi ua kuzunza. Kuma Eme-eme ngi Jihova, Nzambi ienu.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Dialuilu 5:22

Menha iá a bheka mázui, a ku bokone mu divumu, a bhangese ditabela dié ku kamba nguzu, divumu dié di jimba, Mu hatu-phe ua kèla, Amene, Amene!

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

I Kolindo 14:16

O ki kala u sakidila Nzambi ngó ni nzumbi, ió uoso uala kiximba ua xikama-nê bhu kididi, uanda kuila kiebhi, Amén, ki a ku ivu ua sakidila, o muene ki ua zuela ki ki mu jimbulukila?

Matendelelu 27:14

O jilevita a kà zangula dízui dia hasa ni kuambela Izalaiele, kuila:

Matendelelu 29:17

ufusa uâ mua di muena-u, ni mahamba mâ, o iá a miẋi, o iá a matadi, o iá a phalata, o iá a ulu, muʼaxaxi ka athu amoxiʼá.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 5:8

Kana ku di iudikila kiteka kia kusonga, né kidifua kioso-kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Afundixi 17:3

Mona anga u vutula kitadi kua mamʼâ, midi ia xikulu ia itadi ia phalata ni hâma; mamʼâ-phe anga u amba, uixi: Phalata ienhiʼii nga i lumbila Jihova, i tunda kiá bhu lukuaku luamu mu dijina dia monʼami kuma muene nga mu bhela-iu mu kuiudika kiteka kiósonge mba kióuiẋike; kala kiki kitadi kiki ngi ku bhana-kiu dingi.

Afundixi 17:4

Mona kia zubha kuvutula itadi ia phalata, u i bhana mesene ia kuzunza, muene anga u iudika na-iu kiteka kia kuseta kióuiẋike. Kiteka anga a ki bhaka mʼonzo ia Mika.

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.