Matendelelu 26:2 - O Mikanda Ikola

² u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.

Matendelelu 26:2 ပူးပေါင်းရင်းမြစ်များ

II Jisobha 4:42

Anga kuiza muthu ua tundu ku Balesalixa, anga uiza kua muthu ua Nzambi mu kubheka jimbolo ja mutomo, makuinhi aiadi a mbolo ja sevada, ni mítue ia uisu hanji mu isaxi iê. Ilizeu uixi: Bhana o mundu phala a die.

II Malunda 31:5

O kizuelu kienhiki kioso ki kia sambuka ku mbandu joso, anʼa Izalaiele a bheka ndumba dia idima ia mutômo ia tiliku, makúnua, ni maji, ni uiki, ni idima ioso kiá ia dima jinga ku mukáu; ni mbandu ia kakuinhi ku ima ioso ʻue, eza na-iu ni kuvula kuoso.

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

Nehemiia 12:44

Mu kizuua kiene kimoxi anga a xinda ue athu a tumina mu maxilu a kutambuila o itadi, ni maujitu ma kubhuka, ni ibundu ia kutomona, ni mbandu ja kakuinhi, nda a i bongoluele mu maxilu muenhomo i tunda ku mikáu ku mábhia, ni jisanzala ku bhata, mbé o mákudia ma jinganga ni ma akua Levi, mu jimbambe jê, kala kia ma xindi kitumu; mukonda Juda ua sangulukile mu kumona dingi bhu ididi iê o jinganga ni akua Levi a kexi mu kalakalamu.

Nehemiia 13:31

kiene ue kimoxi ki nga bhange ni akua maujitu ma jihuinhi mu ithangana ia tokala, ni maujitu ma ima ioso ia kutomona. Eie-phe, Nzambi iami, ngi te jinge o muẋima, mbé ku ngi kale ue o mbote iami.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 22:29

Kana kukokoloka mu kulumba ku idima ié ia dianga ni ku izunzu ié i u zunza mu matangi ma kukama jiúva. Anʼé a mala, a phande-kumbi, u ngi lumbila-nâ eme.

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Makatukilu 23:19

O ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova Nzambi ienu. Mona hombo kana ku mu lambela mu lete ia mamʼâ.

Makatukilu 34:26

Ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova, Nzambi ienu. Monʼa hombo kana ku mu lambela mu lete ia manhʼâ.

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Izekiiele 44:30

Ni ibundu ioso kiá ia mutômo, ku ibundu ienu ioso ia dianga ku mbutu joso, ni maujitu oso ku maujituʼenu, a kala a ngene a jinganga; kumoxi ue ni makènde enu a dianga, mu bhana-ku jinganga; mbé a bhangese o kizediuise kubutama ku thandu dia dibhata dié.

Izekiiele 48:14

O kuenhuku ka kà sumbisa-ku kama ngó koso-koso mba kubhanga jitoloko, mba o ibundu iê ia mutômo a i bhana hanji ku muthu uengi, mbata i kôla kua Jihova.

Ijila 2:12

Se ku mubhaku ua ibundu ia kutomona, felemento ni uiki u kalê; maji mu kubhanga dizumba diambote kua Jihova ku kalatódio, kana.

Ijila 2:14

Ki uila u bheka mubhaku ua musa kua Jihova ua ibundu ia kutomona, u bheka masa a uisu a kuoha, mba ua jimbundu ja uisu jókange ku túbhia hé a ji zuka.

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

Loma 16:5

Menekenenu ue o Ngeleja iene kubhongolokela mʼ onzo iâ. Menekenenu Epêneto, mukua kazola kami, muene o kibundu kia dianga mu ku ki bhakuila Kristu mu Azia.

Loma 8:23

Ki iene ngó, maji ni etu uetu, tua nomona-ku kiá ku Nzumbi ia Nzambi, tuala kikema moxi dietu kiosuʼ iki tuala kukinga Nzambi ku tu bhanga tu anʼ ê, ni ku tu kula o mukutu uetu uoso.

I Kolindo 15:20

Maji kiki-phe, Kristu ua fukunuka muene mu ʼalunga ni kidi, iú ua di bhange ngunji ia tu dielelesa kuila athu oso afu kiá hadia ue a kà fukunuka.

I Kolindo 15:23

Maji ene oso mu umoxi-umoxi: Kristu muene ua diangela kua ene oso, hé kukaiela oso akua Kristu, muène hinu kià kèza.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

Matendelelu 16:10

O ki ji bhita kiene ki u bhanga fesa ia jisemana phala Jihova Nzambi ié; kioso kia ki u bhakula bhenhobho, kikale lubhaku lua vondadi ié lu u kuata; lusoke-phe kala kioso kia kubhandulula kuala Jihova Nzambi ié.

Matendelelu 18:4

Muenda ni ku a bhana jinga o ibundu ia mutômo ia masa, ni tiliku, ni maluvu, ni maji, ni lã i u diangela kubhuta ku jimbudi jé.

Matendelelu 26:1

Mu kuila-phe eie ua bokona kiá mʼoxi ia-nda ku ku bhana Jihova Nzambi ié mʼubhinganu, anga u iʼvua, anga utunga muenhomo,

Matendelelu 26:3

Anga uiza kua nganga uoso uala-ku mu izuuʼomo, hé u mu ambela, uixi: Ngi ki tanga lelu bhu pholo ia Jihova Nzambi ietu, kuila, eme lelu nga bokona kiua mʼoxi ia lokela jihova ku i bhana ku jitata jetu.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.