Matendelelu 26:19 - O Mikanda Ikola

¹⁹ Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 26:19 ပူးပေါင်းရင်းမြစ်များ

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Izaía 62:12

A-nda ku a luka exi: Mundu Uangene, Jihule ja Jihova; eie-phe a-nda ku ku luka exi: Na Nginde, A-mu-sota; Na Mbanza-ka-mu-ehelela.

Jelemiia 13:11

Kuma, kala ki kuatenena o phonda mu mbunda ia muthu, kiene ue ki nga kutila kokuami o dibhata dioso dia Izalaiele ni dibhata dioso dia Juda, eme Jihova, nda a ngi kale mundu uami, mu dijina, ni diximanu, ni mu fuma; maji kubhana mátui a ki tokoka.

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Matendelelu 27:1

Mozé ni adiakimi anga a bhana o ngonge ku mundu ua Izalaiele, exi: Ijila iii lundenu-iu, i ngala ku mi tendelela lelu.

Matendelelu 28:1

Eie-phe se uaẋikina kuívua ni muanu uoso o dízui dia Jihova Nzambi ié, anga o jingonge jê joso ji ngala ku ku tendelela lelu, u ji ta muxima, anga u ji kumbidila muene, Jihova Nzambi ié ua-nda ku ku zangeleka, anga ifuẋi ioso mu ngongo i kala ndenge.

Matendelelu 28:13

Jihova ua-nda ku ku bhanga u mútue, ku kala u mukila, kana; kididi kié u kala jinga ku thandu, kukala bhoxi, kana; kabasa eie u tumaka jinga o ijiia ia Jihova Nzambi ié i ngala ku ku tendelela leluʼiii, anga u i ta ku muxima, hé uia jinga ni ku i bhanga.

Matendelelu 28:9

Jihova ua-nda ku ku imika mu ku kala u kifuẋi kia ditungula, kala kia ku lokela-kiu kiá; kikale-phe eie uaiuka o ijiia ia Jihova Nzambi ié, anga uendela jinga mu ikoka iê.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.