Matendelelu 26:15 - O Mikanda Ikola

¹⁵ Kala kiki, kuene-phe ku kibuta kié kikôla ku ualʼoko takula mesu mé, tunde mu diulu katé bhabha, u besouale o povo ié ia Izalaiele, u besouale ue oxi i ua tu bhe, kala ki ua lokela ku jitata jetu, oxi iala kuzunzumuka o lete ni uiki.

Matendelelu 26:15 ပူးပေါင်းရင်းမြစ်များ

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 51:18

Ki ku uabhele, Ngana, kubhanga mbote kua Ziione, tunga dingi eie-muène o imbaka ia Jeluzaleme.

Jisálamu 68:5

Tata ia jihukunhi, o dilemba dia ahatu a xala atudi, muene Nzambiʼó ku mbanza iê ikôla.

Jisálamu 80:14

U Jihova dia ituxi, tu bhane dingi o pholo ié, tua ku diondo; ku diudlu ku uala, zongola bhoxi, u tale; tambula dingi konda ia muvide uenhú.

Jisálamu 80:15

Kixina kia muvide u ua phaphe ni lukuaku lué lua kúdia, ni thangu jê ji ua sase katé ki ja kolo.

Jisálamu 90:17

O uabhelu ua Jihova, Nzambi ietu, u kale ku thandu dietu; u kôlese ikalakalu ia maku metu; èué, ikalakalu ia maku metu i kuate kiambote.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Jipoxolo 7:49

Diulu kiandu kiami, oxi bangu iami ia kutula inama. Enu-phe mu ngi tungila onzo ia kidifua kiahi? Kididi ki kuebhi ki ngi tula phala dinhohenu?

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 26:14

Kioso kia ngiza o thambi, ku madijimu ki nga nomona-ku kima ki nga dila dilamba diami, lémbue, mba ngala ni kuxila, anga mu kuxila kuami ngi nomona-ku kima anga ngi ki dila ku ufusa uami, mba nga ki te ku muthu ua fu, kana! Inda nga tumaka ngoho o dízui dia Jihova Nzambi iami eme. Nga bhange kala kioso ki ua ngi lekelela eie.

Matendelelu 26:7

Bhenhobho anga tu di tenda kua Jihova Nzambi ia jitata jetu; Jihova-phe ua tu ivu mutendu ua dízui dietu, ua tongolola o dilamba dietu, ni thonga ietu iala ku tu huha, ni kubhondalala kuetu.

Matendelelu 26:9

Muene iu ua tu bheka kunu, iu ua tu bhana oxi iii, oxi izunzumuka lete ni uiki,

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.