Matendelelu 25:9 - O Mikanda Ikola

⁹ Huediʼê ia muhatu a mu zukame muene bhua tena o makota, anga u mu zula o sabhatu ku kinama hé u mu ṗhamena mu pholo, anga u mu lebhula, uixi: Diiala uoso u kamba kutungila phangʼiê dibhata, a kà mu bhanga kienhiki!

Matendelelu 25:9 ပူးပေါင်းရင်းမြစ်များ

Jobe 30:10

A ngi zembe muene kiavulu, kia ngi mona a lengela dikanga, ka fulu-phe ku ngi ta mathe mu pholo iami.

Izaía 20:2

Bhu thembuʼoio Jihova ua tangela polofeta Izaia, monʼa Amoji, uixi: Ndé ka Zule kidinhaji ki ua di-kutu mu mbundʼokio, ni jisabhatu ku inama zula-ju. Muene anga u ki bhanga, anga uenda tuẋi, inama bhoxi dia hatu.

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Dialuilu 12:14

Jihova anga u ambela Mozé, uixi: Se tatʼâ ngó ua mu ṗhamena mathe mu pholo, keju kala ni jisonhi mu sambuadi dia izuua? A mu tubhule bhu kibangu mu sambuadi dia izuua, o ki-bhua izuua a bokonedingi.

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Matesu 27:30

Anga a mu ṗhamena mathe, a mu tambula dianga, a mu beta na-diu mu mútue.

Marku 1:7

Anga u kala mu tangela o mundu, uixi: Ku dima diami, ku kuiza muthu ua ngi tundu. Eme ku mu bhetamena ngó ni ngi mu jituina o mbaia ia haii jé ki kia ngi fuama.

Marku 10:34

Ene a mu bhanga kasekelu, a mu ta mathe, a mu beta ni jixikote, he a mu jibha. Maji ki bhita izuua itatu-phe, ua ka fukunuka.

Nzuá 1:27

Muène uala mù kuiza ku dima diami, maji eme ki nga fuama ku mu jituina ngó o lungoji lua haii iê.

Matendelelu 25:10

O dijina dia dibhata diê, mu Izalaiele, a kà di luke: Onzo ia na Kinama-Kiazuluka.

Matendelelu 25:8

Bhenhobho o makota ma dibhata a mu ixane, phala a zuele-nê; o kia jiza, uixi: Eme nguami muene ku mu sakana, nʼa kala muhatuʼami, kuma ka ngi uabhela.

Lute 4:6

Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.