Matendelelu 25:8 - O Mikanda Ikola

⁸ Bhenhobho o makota ma dibhata a mu ixane, phala a zuele-nê; o kia jiza, uixi: Eme nguami muene ku mu sakana, nʼa kala muhatuʼami, kuma ka ngi uabhela.

Matendelelu 25:8 ပူးပေါင်းရင်းမြစ်များ

Matendelelu 25:7

Maji, se muene nguê kusakana ni huediʼê, huediʼê-phe abande muene bhu telelu ia adiakimi ni kuila, uixi: Huediʼami-ze uaditunuʼê kutombola o dijina dia phangʼiê mu Izalaiele; mukonda nguê ku kumbidila o kijila kia uhuediʼakime nʼeme.

Matendelelu 25:9

Huediʼê ia muhatu a mu zukame muene bhua tena o makota, anga u mu zula o sabhatu ku kinama hé u mu ṗhamena mu pholo, anga u mu lebhula, uixi: Diiala uoso u kamba kutungila phangʼiê dibhata, a kà mu bhanga kienhiki!

Lute 4:4

Ngixi-phe ngi ku kunda-kiu, imoxi u a sumba bhu pholo ia adiakimi akua bhata iá a xikama bhabha, ni bhu pholo ia mundu uoso. Ki uila-phe u a kula, kula-u-phe kiá; o ki uila kana, zuela-kiu, phala ngi kʼijiie; kuma kana-ku dingi ua tokala o ku a kula, kala eie ngó, ni eme nga kaiela ku kunda dié.

Lute 4:6

Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.

Lute 4:7

Mʼokulu-phe mua Izalaiele, kifua kia kexi-ku mu kukula, ni mu ta mauenji, ni mu kuzubha maka moso, muthu u zula sabhatu iê, u i tambuisa mukuâ; kifua kijimbuete mua Izalaiele kuma maka a batuka muene, abhu.