6 Matadi ma kuhuhila masa kene ku ma tambula ku kikunji ene kiiadi kiâ ni dia thandu, ni dia bhoxi, né-mbe dia thandu ngó diene, kuma kiokio kuximbika muenhu.
O ki u kondoloka o diembu mu izuua iavulu, mu kúlua na-diu phala ku di tambula, o miẋi iâ i a phaphe-mu kana ku i kokela bhoxi ni dikuua, kuma eie uanda kudia-ku ku ibundu iê; ku i koke-phe (kuma o miẋi ia mukáu uodime inene o huta ia muthu) sembele iene ue ia ku fikidila.
Se bhu kala muthu uabhenga díbhanga diê, muenhó kʼaie luua ku ita; kana luua ku mu tuika kikalakalu ki mu katula ku bhata diê; mu mu ehela a bhite hanji muvu ua muvimba mʼonzo iê; a sanguluke, a di xiale muene, enduluke hanji niʼbhànga diê dia bhenga, nda a bhange o mbote kua muhatuʼê.
Se bhu kala muthu unhana muthu ni mukuá, ku phange jê anʼa Izalaiele, phala ku mu bhanga mubhikʼê mba u mu ta uenji, hé u mu sumbisa, muii u kala kiki afue muene. Kifua phekalu ia ufusa muʼaxaxi kenu mua i bhuisa-mu.
O dízui dia axiki a jimbànza, ni akua mújika, ni axiki a jimbèndu, ni akua jikoloneta, momué nuka dingi a kà dʼívua-mu! Nuka dingi momué mu kala mesene ia ufunu uoso-uoso! Nuka évua-mu ue dingi o kulunguta kua matadi a kuhuhila!