Matendelelu 24:20 - O Mikanda Ikola

²⁰ O ki u lalumuna o muvide ué, ku zubhe. Xisa tu ibundu ku jithangu, mbé o muthu ua tunda dikanga, ni monʼa difundu, ni mutudi.

Matendelelu 24:20 ပူးပေါင်းရင်းမြစ်များ

Ijila 19:10

Kiene ue kimoxi, kana kuangulula o mulenga ué ua mivide katé mua-bhu; kana ue kubonga o jimbundu joso jabhiti ni kusonojoka; ehela-ju o ngadiama ni nzuángiza ua tundu dikanga; Eme-muène Jihova Nzambi ié.

Ijila 19:9

O ki mu muna ue mábhia menu mʼoxi ienu, kana kumuna katé mu jithungi ja ikombolo mua suku o díbhia, mua zubha-mu; o masa a bhiti ni kusonojoka mu kumuna, eie ue ku ma bonge dingi.

Matendelelu 24:19

O kioso ki u muna idima ié mu mábhia, se ualanduka-mu kita kimoxi, ku ki vutukile dingi; ehá-kiu kiá phala o nzuángiza, ni monʼa difundu, ni mutudi uoso ua fundu diiala; bhanga kienhiki, phala Jihova Nzambi ié a ku bhandulule mu midimu ioso i u bhanga ni maku mé.

Matendelelu 24:21

O kioso ki u kanza o mulenga ué ua muvide, ku vutuke mu kuangulula-mu o tumbalu-mbalu tua subhuka ku jithangu; tuoso tua subhujuka ehela-tu phala nzuángiza, ni monʼa difundu, ni mutudi uoso ua fundu diiala.