Matendelelu 24:19 - O Mikanda Ikola

¹⁹ O kioso ki u muna idima ié mu mábhia, se ualanduka-mu kita kimoxi, ku ki vutukile dingi; ehá-kiu kiá phala o nzuángiza, ni monʼa difundu, ni mutudi uoso ua fundu diiala; bhanga kienhiki, phala Jihova Nzambi ié a ku bhandulule mu midimu ioso i u bhanga ni maku mé.

Matendelelu 24:19 ပူးပေါင်းရင်းမြစ်များ

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisabhu 14:21

Uoso u sebulula mukuá, uate kituxi; uoso-phe u kuatela henda kua iú ua tate, u bonga kuzediua.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Ijila 23:22

O kioso ki mua kà muna ue o mábhia menu mʼoxi ienu, kana kumuna katé mu jithungi ja ikombolo ia milenga ienu, o mítue ia masa moso mabhiti ni kusonojoka eie ku a bonge dingi. Ehela-u kiá o ngadiama ni nzuangiza; Eme-muène ngi Jihova Nzambi ienu.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

Matendelelu 14:29

mbé kia kà tukuluka o levita (kuma muene muthu ka moneka ngó dikânda ku undundu kala eie), ni nzuángiza ua tunda o dikanga, ni mona difundu, ni mutudi, u ua tungu-nâ bhuamoxi, mu sanzala ienu, a tene kúdia katé kiekuta; phala Jihova Nzambi ié a ku tele dingi dibesá ku ikalakalu ioso ia maku mé i uenda ni kubhanga.

Matendelelu 15:10

Eie-phe u mu bhana muene kiambote ni kieha kioso, muxima ué ki u dimbuluke kioso ki u mu bhana; kuma kienhiki kiene kia-nda ku ku zediuixila Jihova Nzambi ié mu ikalakalu ié ioso, ni mu ima ioso i u sota kubhanga ni lukuaku lué.

Matendelelu 24:18

Maji uenda ni ku lembalala jinga kuila eie uakexe u mubhika mu Ijito, eué Jihova ua ku katula-ku; kiene ki nga ku tendelela kuila eie ue bhanga jinga kienhiki.

Matendelelu 26:13

O Jihova Nzambi ié-phe u mu ambela kiki, uixi: Ku ima ioso i ngʼavu, nga nomona-ku kiangene kia tokala eie, eme nga ki bhana ku levita, ni ku kidijila, ni monʼa difundu, ni mutudi ua fundu muadi uê, kala kiambe o jingonge jé ji ua ngi lekelela; kana ngonge i nga lueza-bhu, kana ngonge i nga landuka-ku.

Lute 2:16

Mu enda ni ku mu fomuena tuixina mu ita, mu mu xile bhoxi, mbé a none muene, enu kana ku mu fudisa.

Lute 2:2

Lute-phe mukua Mouabhe anga u ambela ukoué Nouemi, uixi: Ngehele, ngiie ku mábhia, ngi none tu ixina tua sevada tua laúka kua iá ala kumuna, mu kaiela uoso u ngi kala ni henda nʼa ngi tambula mʼobhia diê. Nouemi anga u mu ambela, uixi: Ndé kiá, monʼami.