Matendelelu 24:17 - O Mikanda Ikola

¹⁷ Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Matendelelu 24:17 ပူးပေါင်းရင်းမြစ်များ

Jobe 22:6

Mbata o jiphange jé ua ji te ku ungunji sè kikuma kioso-kioso, o akua makoza eie ua a zula ioso ia zuatele.

Jobe 24:3

O monʼa-kitungu bulu iê a muʼambata na-iu muene; o mutudi ngombe a mu tambula-iu mu kiximbi.

Makatukilu 22:20

Uoso u satela nzambi iengi, ki kua Jihova, kana, ió muthu ua ku mu jibha muene.

Makatukilu 23:2

Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga.

Makatukilu 23:6

Kana kudiodia mulonga, phala ngadiama nʼa kambe kulunga, se uala ni kidi kiê.

Makatukilu 23:9

Nzuángiza ue kana ku mu bhikisa; kuma enu muejiia muxima ua nzuángiza, mbata enu uenu mua kexile mu jinzuángiza, mu Ijitu.

Jisabhu 31:5

Phala ki kibhite kuila ela anua, a jimba o kitumu anga a selula o kidi kia tokala kulungisa o jiphulungu.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Jelemiia 5:28

U a sanga a nete ni ene, aẋanana, o ku ungumba a somboka imbokoto; anʼa madifundu ka a fundila dimanda, exi avula kubhanduluka; mba ngó o jiphulungu ku a batuila milonga.

Izekiiele 22:29

A bhondeleka muene kiavulu o mundu uala mu ixi, enda ni kunhana, a bhanga kusuina ku phulungu ni iú ua tate, o ua tundu dikanga a mu bhondeleka muene, sè kikuma.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Ijila 19:33

Muthu ua tundu dikanga se u tunga nʼeie mʼoxi ienu, kana ku mu tatesa.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Zakadiia 7:10

Kana kubhondeleka mutudi; mba mu bhondeleka hukunhu, mba muthu ua tunda dikanga, mba ngadiama, mba bhu kala muthu u xinganeka ku muẋima uê kubhanga phulu kua mukuá.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Luka 3:14

Masoladi anga a mu ibhudisa ue, exi: Etu uetu, tu bhanga kiebhi? Muène uixi: Ki mu bhange kusuina; ki mu die mangonha mu kutambula kitadi kia muthu uoso-uoso ni ku mu tatela. Kitadi kienu kiene ku mi futa, ki mi soke.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Matendelelu 24:13

kumbi se dia tula kiá, sé phata muene, mu bhekele o kikunji kia ku bhele, nda a di fute-kiu hanji a zeke bhu thanga iê phala a ku besouale. O kienhiki-phe Jihova Nzambi ié u ku mona u muthu uaiuka.

Matendelelu 24:18

Maji uenda ni ku lembalala jinga kuila eie uakexe u mubhika mu Ijito, eué Jihova ua ku katula-ku; kiene ki nga ku tendelela kuila eie ue bhanga jinga kienhiki.

Matendelelu 24:6

Matadi ma kuhuhila masa kene ku ma tambula ku kikunji ene kiiadi kiâ ni dia thandu, ni dia bhoxi, né-mbe dia thandu ngó diene, kuma kiokio kuximbika muenhu.

Matendelelu 27:19

Lamba dia ió uoso u lungulula o kidi kiangene kia nzuángiza, mba kia hukunhu, mba kia mutudi. Mundu uoso a kèla: Amén!

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?