Matendelelu 24:15 - O Mikanda Ikola

¹⁵ Izuua ioso inda ua mu futu o nganhu ie ia lelu, kuile uixi dikumbi kiluua di tula; xinganeka-ze, kuma muene mukua-hadi, o muenhu uê ua dielela ngó bhene bhua kalakalʼabha. Mu bhe-phe, phala ka di tende kua Jihova, ni ki di bhange kituxi kié.

Matendelelu 24:15 ပူးပေါင်းရင်းမြစ်များ

Jobe 31:13

Se nga di tunu kubhana kima kia tokala ku mubhika uami ua diiala mba ua muhatu, kioso ene kia kexi mu ku ngi dionda,

Jobe 31:38

Se o ixi iami i ngi bilukila ni ku di kola, mba o mibhanga iê i didila kumoxi;

Jobe 34:28

Mu kubhanga kiki, a bhangesa o kudikola kua ngadiama kubanda katé kua Nzambi, muene iú uevu o kuditenda kua phulungu.

Jobe 35:9

Mukonda dia ku a bhondeleka kiavulu, athu a di kola, a di kola mu kusota uoso u a kudila bhu lukuaku lua enʼió ala ni kutena.

Jobe 7:2

Mukuâ ni mubhika kia kala mu kuinda o kilembeketa; kala ngunza ua mu kinga o futu iê,

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 25:1

Ko kué Ngana, u Jihova, ku nga bhetukila.

Jisálamu 86:4

Ngi selevende ié, ngi tanese o muẋima; kuma ko kué, Ngana, ku nga zangula muenhu uami.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Jelemiia 22:13

Lamba dia ió uoso u tunga dibhata diê, ni mangonha! uedi jinzu jê u ji tungila muʼngumba, ukalakesa mukuá se ngó ku mu futa, o ua kalakala kia mu-ié ngó.

Ijila 19:13

Mukuenu kana ku mu bhondeleka, mba uenda ni ku mu nhana imbamba iê; o futu ia ngunza, kana ku i bhaka ni ikala nʼeie katé mungu ki kúkia mu kimene.

Ijila 25:35

Se phangʼié uabudika ni uadiama, o jinguzu ue ja mu bhu, eie mu tambule-phe konda, a kale nʼeie mukua ni nzuángiza ua tundu dikanga, kifua mutungani.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 20:8

Kutula mu ngoloxi, mukua mulenga uambela kaxelu kê, uixi: Ixana o jingunza, u a bhane o futu iâ. U matekena kua ió a sukidila kubokona, o ió a diangele kubokona a kaiele kuema.

Marku 10:19

O ijila ua ijiia? Kana kujibha, Kana ku ta phànda; Kana kunhana, Kana kubhana umbangi ua makutu. Kana kufumba, Tatʼenu ni mamʼenu a bhane ujitu.

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

I Timote 5:18

Kuma o Mikanda Ikôla iambe, iexi: O ngombe i titidila masa, kana ku i kuta dikanu. O bhua mukuâ, iexi: Mukalakadi kene ku mu imina o nganhu iê.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.