Matendelelu 24:13 - O Mikanda Ikola

¹³ kumbi se dia tula kiá, sé phata muene, mu bhekele o kikunji kia ku bhele, nda a di fute-kiu hanji a zeke bhu thanga iê phala a ku besouale. O kienhiki-phe Jihova Nzambi ié u ku mona u muthu uaiuka.

Matendelelu 24:13 ပူးပေါင်းရင်းမြစ်များ

Dimatekenu 15:6

Muene anga u xikana kua Jihova; o kuxikana kuê a mu mona-ku kulûnga.

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Makatukilu 22:25

Se u bhana dikongo dia kitadi ku muthu ua tokala ku mundu uami, o muene uala ngadiama, ku kale u mukua kuvualesa kitadi kua mukuenu, ku kale ni ku mu futisa avasu.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Izekiiele 18:12

ni kubhondeleka o phulungu ua tate, ni kunhana, o kia mu ximbikila ku dikongo ka xikina ku ki vutula, uenda ni kuzambula mesu mê ku mahamba, ni kubhanga ima ia isunji;

Izekiiele 18:16

ka xikina kubhondeleka muthu, mba u kuatela o kima kia j mu bhana ku ungunji, ka xikina kunhana, o uoso uala ni nzala muene u katula ku kúdia kuê nʼa mu bhana, o ió uala ni tuẋi muene u mu zuika.

Izekiiele 18:7

ka xikina kubhondeleka muthu uoso-uoso, o kiximbi kia mu ximbikila mukua dikongo u mu vutuila-kiu, ka xikina kunhana, o uala ni nzala u mu bhana kudia, hé u zuika kizuatu kua ió uala ni tuẋi.

Izekiiele 33:15

mukua-phulu muenhú hé u vutula o kiximbi kia mu bhele, nʼa futu kioso kia nhanene, hé uendela mu jingonge ja muenhu, u fula kubhanga o phulu, ni kidi muene ua kà kola muenhu, ka kà fua, kana.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Amoji 2:8

U sanga a zeka kumoxi bhu mbanduʼa kalatódio koso-koso, ku thandu dia izuatu ia a ximbikila; o monzo ia jinzambi jâ muene mua nuina o vinhu ia kubhûnda.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Matendelelu 24:12

O kia kala-phe ngadiama, kikunji kia ku bhe, ku zeke na-kiu;

Matendelelu 24:15

Izuua ioso inda ua mu futu o nganhu ie ia lelu, kuile uixi dikumbi kiluua di tula; xinganeka-ze, kuma muene mukua-hadi, o muenhu uê ua dielela ngó bhene bhua kalakalʼabha. Mu bhe-phe, phala ka di tende kua Jihova, ni ki di bhange kituxi kié.

Matendelelu 6:25

Kifua-phe o ki tu kuata muanu ua kubhanga itumu ioso ia tu xindi o ijiia iene ioso iii, kala kia tu tendelela Jihova Nzambi ietu, kuene ku tu muena o kulúnga.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.