Matendelelu 23:9 - O Mikanda Ikola

⁹ Se uasulula kilômbo kié kia ita, kuia mu kúlua ni jinguma jé, bhenhobho-phe kibhinga eie u di langa ku ima ioso iaiibha.

Matendelelu 23:9 ပူးပေါင်းရင်းမြစ်များ

II Malunda 19:4

Jozafate anga u tunga mu Jeluzaleme; u tona dingi kubhita ni ku tala o mundu tunde bhu Beleseba tule ku milundu ia Ifalaimi, iú ua a bhangesa kuvutukila dingi Jihova, Nzambi ia jitata jâ.

II Malunda 31:20

Ezekiia anga u bhanga kienhiki mu ixi ioso ia Juda anga u bhanga muene kia uabha, kia iuka, kia kidi, bhu pholo ia Jihova, Nzambi iê.

Izaía 56:3

Uoso monʼa nzuángiza, u di banda kua Jihova, ka ki tange kuamba: Jihova ua ngi batula muene ku povo iê; ki bhu kale ue ngolambole u kiamba kuila: Eme bhabha ngi muxi ua kukuta.

Luka 3:14

Masoladi anga a mu ibhudisa ue, exi: Etu uetu, tu bhanga kiebhi? Muène uixi: Ki mu bhange kusuina; ki mu die mangonha mu kutambula kitadi kia muthu uoso-uoso ni ku mu tatela. Kitadi kienu kiene ku mi futa, ki mi soke.

Matendelelu 23:10

Se bhuala disoladi, o muia ku kilu, sé ku ki ta muxima, ua di xidisa mʼusuku iu ua xidi, muenhó atubhuke ku kanga, mu kaẋi ka kilômbo ka kale-mu,

Matendelelu 23:8

Alaula âene, a-nda kuvuala ku muiji ua katatu, hádia mu a ehela kubhiẋila jinga bhu kionge kia Jihova.

Josuué 6:18

Enu-phe alukenu, ki mu kuate kima kiókidike, kuma kima kiókidike, hé mu ki katula, mua-nda kubheka lufuku mu kilômbo kia Izalaiele, anga mu tatesa ni akuenu.

Afundixi 20:26

Bhenhobho ana oso a Izalaiele, mundu uoso, a banda ku Betele, a dila, a xikama bhu pholo ia Jihova, hé a jila kizuua kioso kienhókio, ki bhua kúdia ki bhua kunua katé mu ngoloxi; a bhana ni jisata ja kuoha ni jisata ja paze bhu pholo ia Jihova.