Matendelelu 23:5 - O Mikanda Ikola

⁵ Maji o Jihova phe ka ẋikinine kuívua ki zuela Balamu; inda Jihova Nzambi ié o mázui ua ma bilula dibesá; mbata Jihova Nzambi ié ua ku zola.

Matendelelu 23:5 ပူးပေါင်းရင်းမြစ်များ

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

Nehemiia 13:2

Mbata ene ka tundile mu kauidila anʼa Izalaiele ni kúdia ni menha; inda a kasele Balamu kuiza mu ku a bhubhidila; sumbala o kubhubhidila kuê Nzambi ietu ua ku kituile madibesá.

Jisálamu 73:1

Ni kidi kiene Nzambi u bhanga mbote kua Izalaiele, oso kiá a zele mu miẋima!

Jisabhu 26:2

Njila i nhungina kima, phiáphia u tukila ue kima; o muthu ue ku mu ta o mázui nʼa mu kuata, kale bhu kala kikuma.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Malakiia 1:2

Jihova uambe: Eme nga mi zola; maji enu-phe, muixi: Eie ua tu zola mu ima iahi? Abha, Izaú ki muene kota dia Jakobo? Maji-phe eme ngi Jihova ngazola Jakobo.

Dialuilu 22:35

Anju ia Jihova phe uixi: Ndeie kiá ni mala enhó; kikale-phe kizuelu kioso ki ngi ku ambela, kiene ki u zuela. Balamu anga uia ni ilamba ia Balake.

Dialuilu 22:5

Anga u tuma jiphunga kua Balamu monʼa Beola, bhu Petolo, bhu mbandu ia njila, iene ixi ia undundu uê, phala ku mu kolomona, uixi: Kunu-ze kueza kituxi kia tundu mu Ijitu; a tula ixi ioso, o bhua tula a ngi zukama kiá.

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Loma 11:28

Jijudé a di tunu o Njimbu Iambote, iá a di bhange jinguma ja Nzambi mukonda dienu-enu. Maji o ku mbandu ia ku a tungula kuala Nzambi, a di bhange makamba mê mukonda dia jitata.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Loma 9:13

Kiene kia ki soneka, exi: Jakobo nga mu zola, Ezaú-phe nga mu zemba.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Matendelelu 2:29

kala kia ngʼenzela anʼa Izaú, a tungu mu Seíle, ni akua-Mouabhe a tungu mu Ale; katé ki nga-nda kuzaúka Njolodá, anga ngi bokona mu ixi ia-nda ku tu bhana kuala Jihova Nzambi ietu.

Matendelelu 33:3

Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

Josuué 24:10

Eme-phe nga ditumu kuívua Balamu; kia mu bhangesa ku mi ta kizediuise anga ngi mi bhulula bhu lukuaku luê.