Matendelelu 23:3 - O Mikanda Ikola

³ Kana kuehela mukua muiji ua Amone, mba mukua muiji ua Mouabhe bhu kionge kia Jihova né o muiji uê ua kakuinhi katé ku hádia ni hádia.

Matendelelu 23:3 ပူးပေါင်းရင်းမြစ်များ

Nehemiia 13:23

Anga ngi mona ue mu izuuʼomo, kuma akua Juda a sakanene ni ahatu a akua Asdode, ni akua Amone, ni akua Mouabhe.

Nehemiia 4:3

Eme Tobiia, dia mukua Amone ua kexile-nê, uixi: Kiene kimoxi! Ene né edi a tunga se kuiza ngó mukenge, kimbaka kiá kia matadi ki kia-ndu mu bhonza ku ki lundumunʼê.

Nehemiia 4:7

Anga ki bhita-phe kuma, kia kʼivu Sambalate ni Tobiia, ni akua Alábia, ni akua Amone, ni akua Ajidode, kuila o imbaka ia Jeluzaleme ia suína ni ku i iudika, o misula a mateka ku i xita kiá, a thathamana kiavulu.

Izaía 56:3

Uoso monʼa nzuángiza, u di banda kua Jihova, ka ki tange kuamba: Jihova ua ngi batula muene ku povo iê; ki bhu kale ue ngolambole u kiamba kuila: Eme bhabha ngi muxi ua kukuta.

Jelemiia 49:1

Ku mbandu ia anʼa Amone, Jihova uambe kiki; Manhi Izalaiele ua kambe anʼa mala, mba jindundu? Mukonda diahi-phe, Malkane muene ua lundula Ngade, o Kifuẋi kiê ia a tungu mu jimbanza jêʼmuene?

Kuditenda 1:10

Jeluzaleme ima iê ioso ia matunda ia kexe na-iu, kisuéia ua sunununa o lukuaku luê mu ku mu tambula-iu; uamono muene o matumbu kia bokona mu kididi kiê kiangene; ene-phe o matumbu u uambele eie, kuila ka bokone bhu kionge kié.

Matesu 5:43

Enu muevu kuma a ki zuela, exi: Mukuenu u mu zola, o nguma ié u mu zemba.

Matendelelu 23:2

Muthu uoso a mu lumbula mu nzunga kuala mamʼâ, ka moneka tata ia kidi, ió kana ku mu ehela bhu kionge kikôla; tunde ku mulúlu, katé ku muiji uê ua kakuinhi ka tena kuiza bhu kionge kikôla kia Jihova.

Lute 4:6

Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.