Matendelelu 23:23 - O Mikanda Ikola

²³ Uila jinga hé ua zuela kima mu kanu dié, u ki kumbidila muene anga u ki bhanga; né ujitu ua ku di fikixila u uambe kubhana kua Jihova Nzambi ié; kioso-phe kia tanga o dikanu diê u ki bhanga muene.

Matendelelu 23:23 ပူးပေါင်းရင်းမြစ်များ

Jisálamu 116:18

Ngi futa jinga jiplomesa jami, ji nga polometela kua Jihova, ngi ki bhanga muene bhu pholo ia mundu uê uoso;

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisabhu 20:25

O kuzuela kua kulundumuka, uixi: Nga ki tela Nzambi, o ki u zubha kubhana jipolomesa, anga u tangalala kiua ni ixinganeku.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Ijila 27:2

Anʼa Izalaiele a tangele, u a ambela, kuma: Se bhu kala muthu uta hasa iê-muène, athu-phe kua Jihova kuta kuê akale ni suilu ioso i u a xindila eie, se hasa ia tokala muenhu ua muthu.

Dialuilu 30:2

Se diiala di ta hasa kua Jihova, mba u loka mulôko ua ku di kuta o muenhu uê ni kikutu, ka tena kualuluka bhu dimi; ki kale u kumbidila kioso kia mu tundu ku dikanu diê, kiene kia bhanga.

Matesu 5:33

Luamukuá dingi, muevu kuma akua xiahulu a ambelele, exi: Kana kulôka, kioso-phe ki ua loka kikale u ki kumbidila kua Ngana.

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Jipoxolo 23:21

Eie-phe ku a evue. Kuma ku mundu uâ, makuinhi a uana a muthu ndenge, a mu batamena phala ku mu jibha. Ene oso a di kutu ni mulôko ua mázui kuma ka-di, ka-nu, katé kia jibha Phaulu. Kienʼiki ala kia polondo, a kinga ngó o kizuelu kié.

Matendelelu 23:22

Maji se ua kambe kubhana polomesa, ku kalé ni kituxi.

Matendelelu 23:24

O kioso ki u kutuka mu mulenga ua mivide ia mukuenu, diá ngó ji-uvua joso jasoko ni nzala ié, katé ki uikuta, u suke; kana kuambata-ku kima mu kinda kié.

Josuué 9:18

Anʼa Izalaiele-phe, ka tenene kunemeka enhó, mukonda o makota a kionge a a lokela kua Jihova Nzambi ia Izalaiele, ku a bhaka ni muenhu; kienhiki kionge kioso ki kuata ku di ngunguina, exi: Adiakimi azange.

Afundixi 11:35

Mu kuiza-ku-phe, kia zubha ku mu mona, u tandujula o izuatu iê, uixi: Aiué! monʼami, tata! ua ngi bheka mu kubhondalala, ua di bhange mukua ni ió ene ku ngi tatesa! kuma nga jikula dikanu diami kua Jihova, ki ngi tena-phe dingi kualuluka.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 14:24

Mala ma akua Izalaiele anga a tata kizuua kienʼokio; a iokojoka ni kihongo kia nzala mukonda Saúlo o mundu ua u tendelela ni kuloka, uixi: A mu bhubhidile uoso u dia dikoka lelu, tunde kiki katé mu ngoloxi, phala ngi diange hanji kutata phonzo ku jinguma jami. Kienhiki ku athu oso, kana muthu ua tena ku lola kúdia.