Matendelelu 23:20 - O Mikanda Ikola

²⁰ Se mukuaʼxi iengi, ió utené ku mu sobhesa ni avasu, maji phangʼié o ki u mu sobhesa, kana kutambula avasu. Phala Jihova Nzambi ié a ku zediuise ni dibhesá diambote ku thandu a ima ioso i u tula o lukuaku lué phala ku i bhanga mʼoxi i ua-nda kúvua.

Matendelelu 23:20 ပူးပေါင်းရင်းမြစ်များ

Nehemiia 5:7

Anga ngi kala mu banza imʼiii ku muẋima uami! Hé ngi bazela o jingana ni atumini, anga ngʼa tangela, ngixi: Mu kuvualesa o makongo enu, muala kubhûnda, muthu u bhûnda mukuá muthu u bhûnda mukuá, o ene phange jenu. Anga ngʼa bhongoluela kionge kia dikota kia athu.

Jisálamu 15:5

ka bhana kitadi mu kutambula avasu, ka xikina kitadi kia kúdia mangonha. Uoso u bhanga ima iii, uemana kididi, ka mu lundumuna.

Makatukilu 22:24

o ki uama o njinda iami, ngi mi jibha muene ku xibhata; ahatu enu a kà xala atudi, o anʼenu a kà xala jihukunhu.

Makatukilu 22:25

Se u bhana dikongo dia kitadi ku muthu ua tokala ku mundu uami, o muene uala ngadiama, ku kale u mukua kuvualesa kitadi kua mukuenu, ku kale ni ku mu futisa avasu.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Izekiiele 18:8

O kitadi kiê ka xikina ku ki bhana ni kuvualesa, mba u tambula kia vulu, uebhesa lukuaku luê mu kudia mangonha, hé o muthu ni muthu u a fundisa kiambote;

Ijila 25:36

Kana ku mu tambula avásu, ku sote ue ku di bhangela umoni ku mukutu uê-muene; inda kala ni uoma ua Nzambi ié, phale phangʼié ukadié-nê bhuamoxi.

Luka 14:14

nda u kale ni kuzediua. Mukonda ene ka tena ku ku vutuila, mu kufuta ki ua a bhange. Maji vutuilu iê-phe ua kà i tambula kua Nzambi, kizuua ki fukunuka athu oso abhangi-a-mbote.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Matendelelu 14:21

Xitu ia di fuila ki mu idié; sembele ua i bhana muthu uengi, o nzuángiza, uoso ua tungu-nê mu sanzala ienu muene u i dia, mba-phe sumbisa-iu ku akua mundu; kuma eie ki ualʼokio uala u kifuẋi kiótungule phala Jihova Nzambi ié. Monʼa hombo ue kana ku mu lambela mu lete ia mamʼâ.

Matendelelu 15:10

Eie-phe u mu bhana muene kiambote ni kieha kioso, muxima ué ki u dimbuluke kioso ki u mu bhana; kuma kienhiki kiene kia-nda ku ku zediuixila Jihova Nzambi ié mu ikalakalu ié ioso, ni mu ima ioso i u sota kubhanga ni lukuaku lué.

Matendelelu 15:3

Se muthu uatundu kuengi ua ku di dikongo u di kobhalala muene; maji o kiaii kua phangʼié, katula-ku lukuaku lué, u ki ehele bhoxi.

Matendelelu 28:12

Jihova ua-nda ku ku jikuila o dibhakelu diê, dia mbote, o diulu, phala diende ni kubhana o mvula ku mavu mé bhu thembu iatokala; anga Jihova muene uzediuisa o ikalakalu ia maku mé. Eie-phe, ua-nda sobhesa miji ia athu avulu, maji eie nuka ua-nda kusobha kima.