Matendelelu 23:16 - O Mikanda Ikola

¹⁶ inda atunge kiá nʼeie, atunge ngó mu bhata dienu bhuoso bhua mu uabhela muene, bhua tena kukala kiambote, kana ku mu bhondeleka.

Matendelelu 23:16 ပူးပေါင်းရင်းမြစ်များ

Makatukilu 22:21

Nzuángiza kana ku mu bhanga phulu, kana ku mu bhikisa; kuma enu uenu mua kexile mu jinzuángiza mʼoxi ia Ijitu.

Makatukilu 23:9

Nzuángiza ue kana ku mu bhikisa; kuma enu muejiia muxima ua nzuángiza, mbata enu uenu mua kexile mu jinzuángiza, mu Ijitu.

Jisabhu 22:22

O ngadiama kana ku mu nhana o kiê, mbata muene mukuenu ngadiama; o ki u kala bhu milonga, muthu uaia phulungu eie kana ku mu dia mangonha.

Jelemiia 7:6

Se mu kamba ku talesa hadi ku nzuá-ngiza ni monʼa difundu ni mutudi, mba kuzunza manhinga ma muthu ua kambe kikuma, bhu kididi kiki, mba ku kaiela jinzambi jengi mu ku di bhanga enuʼenu phulu,

Zakadiia 7:10

Kana kubhondeleka mutudi; mba mu bhondeleka hukunhu, mba muthu ua tunda dikanga, mba ngadiama, mba bhu kala muthu u xinganeka ku muẋima uê kubhanga phulu kua mukuá.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Tiiaku 2:6

Maji enu-phe jingadiama ki mua mu ji bhana ujitu! Manhi o jimvuama ki ene ène ku mi bhikisa, anga aia ni ku mi sunga-sungila bhu ibhuna ia kufundisa milonga?