Matendelelu 22:4 - O Mikanda Ikola

⁴ Ki u mona bulu, mba ngombe, ia mukuenu, ia dibhalela mu njila, eie kana ku bhita ngó ni usombokʼé maji u mu kuatekesa ku ji balumuna.

Matendelelu 22:4 ပူးပေါင်းရင်းမြစ်များ

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

Matendelelu 22:3

Kienhiki kiene ki ubhanga jinga, kixi kabulu, mba izuatu, mba kima kiosokioso kiatexika kiangene kia mukuenu, kia jimbidila, eie anga u ki bonga, kana ku ki sueka.

Matendelelu 22:5

Muhatu ka tokala kuzuata kizuatu kia diiala; o diiala ue ka tokala kuzuata kizuatu kia muhatu; mbata uoso ubhanga kiki kifusa ku pholo ia Jihova Nzambi ié.

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.