Matendelelu 22:21 - O Mikanda Ikola

²¹ kilumba muenhô aie-nê bhu muelu ua tatʼâ, o akua-bhata diê bhenhobho a mu bube ni matadi katé kiafua; mukonda uabhange ulaji mu Izalaiele, o ku di bhanga ndumbu mʼonzo ia tatʼâ; mu kubhanga-phe kienhiki, mua di zelesa.

Matendelelu 22:21 ပူးပေါင်းရင်းမြစ်များ

Dimatekenu 34:7

Anʼa Jakobo a mala kioso kia tundu mu iangu, ia eza ku bhata, kia zubha ku kʼivua, kia iibhila kiavulu; anga a kala ni njinda ia vulu, mukonda ió ua bheka kisunji mua Izalaiele, mù zeka ni monʼa Jakobo ua muhatu, kima ki ki tokala ku ki bhanga.

Dimatekenu 38:24

Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

Ijila 19:29

Monʼé ua muhatu kana ku mu bongesa lusebu mu ku mu bhangesa ku kituka ndumbu; phala oxi ioso ki i sekale ni undumbu, anga oxi ioso izala ni jihabhu ejidila kubhanga ituxi.

Ijila 20:2

Luamukuá anʼa Izalaiele a tangele, kuila: Muthu uoso, ku anʼa Izalaiele, mba ku jinzuángiza oso ene kunhunganena mua Izalaiele, uoso ubhakula monʼê mu sata ku dihamba dia Mulôko, afue muene, sé phata; athu oso atungu-nê, a tokala mʼoxiʼomo, ene muene a mu bûba ni matadi.

Ijila 21:9

Se bhu kala monʼa-muhatu, monʼa nganga, ubokona mu uuaia, o ió ualebhukisa phaiiʼâ; mu mu oha mu túbhia.

Ijila 24:16

Uoso ue u ẋonguena o Dijina dia Jihova, ió ni kidi, afue muene; o kionge kioso ki mu bûbe ni matadi; kixi muthu uatundu kuengi, kixi mukua-bhata muene, se nʼa ẋonguena o Dijina dia Jihova, a mu jibhe muene.

Ijila 24:23

Mozé iu uambela anʼa Izalaiele kuamba o pelezo ia ẋonguena ioio, a tubhuke-nê ku maxilu a kilômbo, sembele a mu bûbe ni matadi; anʼa Izalaiele anga a ki bhanga muene kioso kia tumina Jihova kua Mozé.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 17:5

o diialʼodio mba muhatuʼó muia-nê bhu muelu ua kimbaka kia dibhata, anga uoso uabhange o phekalu kala iii, mu mu bûba ni matadi katé kiafua.

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

Matendelelu 19:19

kioso-phe kia solele muene kubhanga kua mukuá, kiene muene ue ki mu mu bhanga na-kiu muene; mu ku bhanga kiki, mua katula kituxi muʼaxaxi kenu.

Matendelelu 21:21

Bhenhobho-phe athu oso a mu mbongeʼomo a mu bûba ni matadi, katé kiafua; mu kubhanga kiki, eie ua bhuisa kikuma muʼ axaxe kenu, phala Izalaiele ioso kia kʼivua, a kale ni uoma.

Matendelelu 22:22

Se bhu kala diiala a mu sanga ua zeka muhatu uangene ua dikaza, kiiadi kiâ áfue muene, ni diiala dioso diazeka muhatu ni muhatu muene. Kuabhu-phe, mu kubhanga kiki Izalaiele mua i zelesa.

Matendelelu 22:24

mu a kuata kiiadi kiâ, anga muia-nâ bhu muelu ua mbonge ienhoio, anga mu a bûba ni matadi, katé kiafua; o kilumba, mukonda nguê kudikola mu sanzala; o diiala, mukonda dia sebulula mukajiʼa mukuá; o ki mu zubha kubhanga kiki, mu kaẋi kenu mua zelesa-mu.

Afundixi 19:23

Muene mukua ʼnzu anga u tunda bhu kanga bhuala ene, uixi: Kana tata, phange jami, nga mi diondo, kana kubhukumuka kala kiki; phala-hi musonhi uami ua ngi tula mʼonzo, mu mu bhanga ufusa?

Afundixi 20:10

Kala hâma ku tunda kuinhi dia muthu, miiji ioso ia Izalaiele; ku midi ku tunda hâma, ku kuinhi dia midi ku tunda midi, mu sota huta ia kifuẋi kioso ki bhinga kuia kubeta Bejamí kala kia tokala mu kituxi kia ufusa uê kia bhange ene mua Izalaiele.

Afundixi 20:5

Mala ma akua Ngibeia anga a ngi balukila, inzu a i kondoloka mu usuku; eme muene andalele ku ngi jibha, o mukamʼami a mu bhange undumbu ni kusuina kuoso, katé uafu muene!

Afundixi 20:6

Bhenhobho ngi kuata mukamʼami, eme nga mu bhange ku idiandu-idiandu, eme nga mu tumukisa katé ku maẋokololo a ixi ia undundu ia Izalaiele; kuma ene a te kituxi, a bhange ufusa mua Izalaiele.