Matendelelu 21:22 - O Mikanda Ikola

²² O kioso ki bhu kala muthu uate mulonga u bhinga Sendesa ia kalunga, exi afue anga a mu nhenga ku muẋi,

Matendelelu 21:22 ပူးပေါင်းရင်းမြစ်များ

Dimatekenu 40:19

Bhua kà bhitila izuua itatu, Falaó ua-nda ku katula o mútue ku mukutu, u ku nienga mu muẋi, o xitu ié anga i diua ku jinjila.

II Samuuele 21:10

Dízipa monʼa Aiia ua muhatu, anga u kuata kidinhaji hé u iudika nakiu kididi kiê bhu ndánji, tunde bhu kumatekena kumuna, katé bhu kisonaxi kia a sonokena o menha ma mvula i tunda mu diulu ku thandu diâ, kehela jinjíla ji bhita bhulu kutula ku imbi iá mu muanha, né iama ia iangu mu usuku.

II Samuuele 21:6

Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

II Samuuele 21:9

Anga u a bhakula bhu maku ma akua Ngibiione, ene anga a a nhenga mu mulundu bhu pholo ia Jihova, anga a jima mbutu sambuadi diâ kumoxi. Enhá a a jibha mu izuua ia kumuna, mu izuua iadianga bhu kumatekena kumuna sevada.

II Samuuele 4:12

Davidi anga u tuma makuenze mê, kuila a a jibhe, anga a a batula maku ni inama, hé a a nhengena bhu dijiia, mu Hebolone. Mútue ua Ixibozete-phe a u tambula, hé a u fûnda mu mbila ia Abinele bhu Hebolone.

Dialuilu 25:4

Jihova anga u ambela Mozé, uixi: Kuata Makota oso ku kifuẋi, a bhange kiki, u a nhenge bhu pholo ia Jihova, mu muanha uatu, phala njinda iavulu ia Jihova i ile kuengi.

Matesu 26:66

Enu-phe mua fika kiebhi? Ene a vutula, exi: Muène ua tokala kúfua!

Marku 14:64

Enuʼenu muevu o diẋongo dia ẋonguena Nzambi bhenhabha! O kiki mua fika kiebhi? Ene oso kuma a mu kitukila, anga a batula, exi: Muthu ua ku mu jibha.

Luka 23:33

Kia bhixila bhu kididi a kixana Kibholongonho, bhene bhua mu phaphela ku dikulusu ni muène ni imbokoto, kimoxi ku madilu mê, o kiamukuá ku kiasu.

Jipoxolo 23:29

Maji nga sange kuila a mu tatela milonga ia kitumu kiâ ene. Ka mu tange-phe ni kima ki tokala ku mu jibha, mba ku mu kuika.

Jipoxolo 25:11

Se ngala ngi mukua kikuma kia kutondala o Kitumu, mba nga te kituxi ki tokala ku ngi jibha, ki ngi ditunu kufua. O ki kala ima ioso ia ngi tatela mala iá ki ia kidi, kana ue muthu u tena ku ngi thelekala kua ene. Kala kiki, eme nga fundila kubhiẋila kua Sézalu.

Jipoxolo 25:25

Eme-phe ki ngi mu mono ni kituxi ki tokala ku mu jibha. Kuma-phe o muène ue ua fundila kubhiẋila kua Muenexi, eme ue kuene ku nganda ku mu tumikisa.

Jipoxolo 26:31

O kia zubha kutunda-bhu a kala mu ku di zuelesa mudiâ, exi: Diialʼ idi ka bhange kima ki tokala ku mu jibha, mba ngó ku mu ta ku malubhambu.

Matendelelu 19:6

Phala o muzokedi a manhinga, kia-nda ku mu thathamana o muẋima, ka mu kaie na mu kuatele mu njila, anga u mu jibha, mukonda dia kanga dia lebha; mbata muene kalé ni kikuma ki bhinga ku mu jibha, kuma kua tundu, mukuá ka diangele ku di zemba-nê.

Matendelelu 22:26

maji o kilumba kana ku mu bhanga kima; kilumba kʼalé ni mulonga ua kima u fuama ku mu jibha; mukonda kiasoko ni kifumbe u balumuka mu ku jibha muthu ni mukuá, hé u mu katula muenhu uê; kiene kimoxi ni kiki.

Josuué 10:26

Josuué anga u a nemeka kiua, u a jibha anga u a nhenga ku miẋi itanu; ananga ku miẋi kuenhoko katé mu ngoloxi.

Josuué 10:27

Mu kuila kumbi di toloka kiá, Josuué utuma kuila a a tulule kiá ku miẋi; hé a a takula mu dibânda mua suameneʼomo; ia a zukika-ku i-matadi iònene, ia xiti kuenhoko katé mu kizuua kia lelu.

Josuué 8:29

Sobha ia Hai anga u mu nhenga mu muẋi, katé mu kumbi dia ngoloxi. Kia tula dikumbi-phe, Josuué u tuma kukatula kimbi kiê mu muẋi, nʼa ki texi bhu muelu ua kimbaka kiê, anga a ta ndumba ia matadi ku thandu diê, í ia xalela katé mu kizuua kia lelu.

I Samuuele 26:16

Ki ki uabha, kiki ki ua bhange! Nga lokela mua Jihova uala ku muenhu, kuila mu athu mua tokala ku mi jibha, enu mua fulu kulanga muadiʼenu, muthu a mu undu kuala Jihova. Talesenu hanji mba sosa ia muenexi ii kuebhi, ni mudingi uê ua menha ua kexile bhu mutuelu?