Matendelelu 21:21 - O Mikanda Ikola

²¹ Bhenhobho-phe athu oso a mu mbongeʼomo a mu bûba ni matadi, katé kiafua; mu kubhanga kiki, eie ua bhuisa kikuma muʼ axaxe kenu, phala Izalaiele ioso kia kʼivua, a kale ni uoma.

Matendelelu 21:21 ပူးပေါင်းရင်းမြစ်များ

II Samuuele 18:17

Anga a katula Abisalone, a mu takula mu dikungu mu ditutu, a mu longekela lumu ia matadi ku thandu diê. Akua Izalaiele oso-phe anga a muangana kala muthu ku bhata diê.

Makatukilu 21:17

Uoso u xinga jindaka kua phaiʼâ, mba manhiʼâ, a mu jibhe sè kufula.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Ijila 20:2

Luamukuá anʼa Izalaiele a tangele, kuila: Muthu uoso, ku anʼa Izalaiele, mba ku jinzuángiza oso ene kunhunganena mua Izalaiele, uoso ubhakula monʼê mu sata ku dihamba dia Mulôko, afue muene, sé phata; athu oso atungu-nê, a tokala mʼoxiʼomo, ene muene a mu bûba ni matadi.

Ijila 20:27

Se bhu kala diiala mba muhatu ukala ni nzumbi ia kuxingila kilundu kia ngômbo-a-nhange, mba kithutha kia kuzambula ni kubhanga iphata, athu ió a fié muene, sé phata; mu a bûba ni matadi; o manhinga mâ a soke-nâ ene kuthandu diâ.

Ijila 24:14

O ió ua ẋongueneʼó mu tubhule muʼaleia, muie-nê katé ku maxilu ma kilômbo: oso-phe a mu ivile o kuẋongona, a te maku mâ ku thandu a mútue uê; bhenhobho-phe kionge kioso nda ki mu bûbe ni matadi.

Ijila 24:16

Uoso ue u ẋonguena o Dijina dia Jihova, ió ni kidi, afue muene; o kionge kioso ki mu bûbe ni matadi; kixi muthu uatundu kuengi, kixi mukua-bhata muene, se nʼa ẋonguena o Dijina dia Jihova, a mu jibhe muene.

Dialuilu 15:25

Nganga anga ua bhangela kiluuluilu kia kubhuisa ikuma, kilômbo kioso kia anʼa Izalaiele, anga a a loloka; kuma a ki bhange ni kutondala, ki kia kubhanga luelu, ia a bheka ujitu ua, sata ia kuoha ni tubhia kua Jihova, ni sata iâ ia kituxi bhu pholo ia Jihova, mukonda dia kutondala kuâ.

Dialuilu 15:35

Jihova anga u ambela Mozé, uixi; Muthu ió ua tokala ku mu jibha muene; kilômbo kioso a mu bube ni matadi ku kanga dia kibangu.

Dialuilu 15:36

Kilômbo kioso anga a mu bheka ku kanga dia kibangu, hé a mu buba ni matadi katé kiafu, kala kia tumu Jihova kua Mozé.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

Matendelelu 13:12

O ki uívua exi, muʼaxaxi ka jisanzala ja mi bhana Jihova Nzambi ienu phala kutunga-mu,

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 17:5

o diialʼodio mba muhatuʼó muia-nê bhu muelu ua kimbaka kia dibhata, anga uoso uabhange o phekalu kala iii, mu mu bûba ni matadi katé kiafua.

Matendelelu 17:7

O lukuaku lua jimbangi luene lu mu andekela o ku mu bûba phala ku mu jibha; anga ku kaiela kiua o mundu uoso; mu kubhanga kiki mua katula o kituxi muʼaxaxi kenu.

Matendelelu 21:20

a tangele adiakimi a mbonge, exi: Enu, jingana, tata, o monʼetu iú (ua tu tundu o thulu), kuma uedi ni kuhuka ni kubhukumuka, ka xikina ku tu ivua ki tu zuela; iu uedi ue, ni ungandixi ni uhólua.

Matendelelu 22:21

kilumba muenhô aie-nê bhu muelu ua tatʼâ, o akua-bhata diê bhenhobho a mu bube ni matadi katé kiafua; mukonda uabhange ulaji mu Izalaiele, o ku di bhanga ndumbu mʼonzo ia tatʼâ; mu kubhanga-phe kienhiki, mua di zelesa.

Matendelelu 22:24

mu a kuata kiiadi kiâ, anga muia-nâ bhu muelu ua mbonge ienhoio, anga mu a bûba ni matadi, katé kiafua; o kilumba, mukonda nguê kudikola mu sanzala; o diiala, mukonda dia sebulula mukajiʼa mukuá; o ki mu zubha kubhanga kiki, mu kaẋi kenu mua zelesa-mu.