Matendelelu 21:18 - O Mikanda Ikola

¹⁸ Se bhu kala muthu u vuala mona uedi ni kubhukumuka ni kuhuka, ka xikina kuívua ki zuela tatʼâ, mba ki zuela mamʼâ, anga a mu ila o betʼé, lémbue.

Matendelelu 21:18 ပူးပေါင်းရင်းမြစ်များ

II Samuuele 7:14

Eme ngi mu kala ngi tata iê, o muene u ngi kala monʼami. Se u bhukumuka anga u tondala, ngi mu beta ni mbangala ia kubeta athu, ngi mu bha jixikote ja anʼa athu.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Makatukilu 21:15

Uoso u kuama phaiʼiâ mba manhiʼâ, a mu jibha sè kufula.

Makatukilu 21:17

Uoso u xinga jindaka kua phaiʼâ, mba manhiʼâ, a mu jibhe sè kufula.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 13:24

Uoso ukamba kusasa o mona ni mbangala, ua mu zembe; uoso-phe ua zola monʼê, ka kambe ku mu beta bhu kithangana kia tokala.

Jisabhu 15:5

Kioua ka xikina kuividila ki mu bazela tatʼâ; muthu-phe u suua kia mu héula, ió uadimuka.

Jisabhu 19:18

Mona u mu bazela, kioso kuila sai hanji kima kia kudielela-ku; maji kana ku mu bazela ni njinda katé ki u mu jibha.

Jisabhu 20:20

Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

Jisabhu 22:15

Uôua ua nhenganana ku muẋima ua mona-ndenge; maji kabasa u bhita ku mbangala, phala ku mu longa, kindala ua u tula.

Jisabhu 28:24

Muthu uoso u nhana tatʼâ, mba mamʼâ, anga uila, uixi: Ki kituxi, mukonda mʼonzo ietu etu-ene, muenhó kijibhanganga, kuma uasoko ni kifumbe.

Jisabhu 29:17

Mona uenda ni ku mu bazela, nda muene ue a ku bhane dinhohenu, katé ni muenhu ué mʼoxi u bonga maláu.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Jelemiia 31:18

Nga kʼivu muene kiambote kuila Ifalaíme ua kexi mu ku di tenda, uixi: Eie ua ngi bhe jingongo, eme nga mono ngongo, mukuâ ni kamona ka ngombe kiluua hanji kʼejidila; ngi bilule mu kudiela, phala eme ngi diele, mukonda eiʼeie u Ngana dia Nzambi iami.

Jelemiia 5:23

Maji o mundu iú uala ni muẋima ua ku baluka, ni kuẋinuka; a balukʼâ, ia aiiʼâ muene.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Ijila 21:9

Se bhu kala monʼa-muhatu, monʼa nganga, ubokona mu uuaia, o ió ualebhukisa phaiiʼâ; mu mu oha mu túbhia.

Matendelelu 21:19

Tata ni mama a mu kuate, aie-nê ku adiakimi a mbonge iâ, a mu tule bhu muelu;

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 8:5

Mu ki xinganeka ni miẋima ienu kuma, mukuâ ni tata kia beta monʼê, kiene ue Jihova Nzambi ienu kia mi beta enu.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.