Matendelelu 20:4 - O Mikanda Ikola

⁴ Mbata o Jihova Nzambi ienu muene uala kuia nʼenu mu kúlua ita ni jinguma jenu, phala ku mi bhulula.

Matendelelu 20:4 ပူးပေါင်းရင်းမြစ်များ

I Malunda 14:15

Kia kà kala-phe kuila, eie kioso ki uívua o kulokosa kua mixindu ia athu a mu kuenda mu ivunda ia jimolela, tunda-phe kiá mu kúlua-nâ; mbata o Jihova ua kà tunda ku pholo iê, mu kubuidisa o kilômbo kia kifuẋi kia akua Fidíxia.

II Malunda 13:12

O kiki-phe Nzambi uala ni etu ku pholo ia ita, kumoxi ue ni jinganga jê, ala mu kuxika jikoloneta, phala ku ta nzongo ia kúlua nʼenu, enu mu anʼa Izalaiele! Ki mu lue-phe ni Jihova, Nzambi ia jitata jenu, kuma ki mua-nda kuzediua.

Makatukilu 14:14

Jihova muene ua-nda ku mi bhangela, enu di xibhienu ngó.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 11:25

Ki bhua-nda kukala muthu utena kubhânga nʼenu; kuoso kiá ku mu ditela Jihova Nzambi ienu ua-nda kuta-ku kimbuua kia uoma ni kiteketela, kala kiene ku mi ambela kiá.

Matendelelu 3:22

Kana ku a kala-phe ni uoma; mbata Jihova Nzambi ienu, muene ua kà mi luila o ita.

Matendelelu 31:6

Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

I Samuuele 14:23

Kienhiki Jihova ua bhulula Izalaiele mu kizuua kienʼokio, ita anga i somboka bhu Betavene.