Matendelelu 20:3 - O Mikanda Ikola

³ kuamba: Ivua, u Izalaiele, lelu mueza kúlua ita ni jinguma jenu; muxima ki u mi botomoke, mba mu kala ni uoma, ki mu tekete, kana; kioso ki mu a mona, ki mu kale ni kimbuua.

Matendelelu 20:3 ပူးပေါင်းရင်းမြစ်များ

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Jobe 23:16

Mukonda o Nzambi ua botomokesa muẋima uami, o Muteni-a-Ioso muene ua ngi kuatesa uoma.

Jisálamu 3:6

Ki ngi kala dingi ni uoma, né jimidi ja athu a ngi balukila ku mbandu ni mbandu.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 7:4

U mu ambela kuila: Aiuka, u ximbakate, ku kale ni uoma, ku bhuile muẋima ki u mona o tu-iẋinji tuiadi tua ibunji ia mu xongota, mukonda dia kutemanana kua njinda ia Lejime sobha ia Sídia, ni ia monʼa Lemadiia.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 10:31

Uila kiki, ki mu kale ni uôma. Tudièdie né tua ndumba, enu mua beta ukota.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Marku 16:18

a ka kuata-kuata jinhoka; se a ka nua ikola-kola, ki ia a bhange ngo kiaiibha; a ka tula maku ma ku thanduʼ a jihaxi, anga ji di sanza.

Marku 16:6

Muene he ua ambela, uixi: Ki mu sasumuke! Mukonda ngejiia kuila mualu sota Jezú dia Nazalé a mu tele ku dikulusu. Muene ua fukunuka kia; bhabha kala-bhu dingi. Talesenu o kididi bhua mu tudile!

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Matendelelu 1:21

Talesa-ze, o Jihova Nzambi ié ua ku bhana oxi i ua mono iii; banda, lundula-iu, kala kia ku tangela Jihova Nzambi ia jitata jenu; ku kale-phe ni uoma, kana, mba ngó kusasumuka.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 20:2

Kioso-phe ki mu bhiẋila bhu kididi kia ita, nganga a bhite ku pholo ambele o povo,

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

I Samuuele 17:32

Davidi anga u ambela Saúlo, uixi: Ki bhu kale muthu u botomoka muẋima mukonda dia kiiala kiki kia mukua Fidíxia. Eme-muène ngi mubhikʼé, ngiia kubhanga-nê.