Matendelelu 20:19 - O Mikanda Ikola

¹⁹ O ki u kondoloka o diembu mu izuua iavulu, mu kúlua na-diu phala ku di tambula, o miẋi iâ i a phaphe-mu kana ku i kokela bhoxi ni dikuua, kuma eie uanda kudia-ku ku ibundu iê; ku i koke-phe (kuma o miẋi ia mukáu uodime inene o huta ia muthu) sembele iene ue ia ku fikidila.

Matendelelu 20:19 ပူးပေါင်းရင်းမြစ်များ

II Jisobha 3:19

O jimbonge joso ja nguzu mua-nduʼjinemeka, kumoxi ni jimbonge joso jʼòsole; o miẋi ioso iambote mua kà i koka, o ixima ioso ia menha mua kà i lamba, o mábhia oso a mbote a idima mua kà a zanga-zanga ni matadi.

II Jisobha 3:25

Anga a sengulula o jimbonge; kala muthu u takula ditadi diê mu kuzanga o mábhia ma mbote ma idima hé a ma vumbika, o ixima ia menha a i lamba, o miẋi ioso iambote a i koka, katé-phe ngó kia bhixila mu Kidihalesete matadi a ma xisa, maji akua jibalafunda a mu kondo ia a mu kuama ue.

Jelemiia 6:6

Mbata Jihova dia Ilombo Ieta, uambe kiki: Batulenu muxi, mu tunge imbaka mu ku bilukila Jeluzaleme; iii iene o mbonge ia-nda kutalesa hadi; usuéia mu usuéia ngó ua tungu muʼaxaxi kê.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matendelelu 20:18

Kuma avula ku mi longesa kufikisa o ima iâ, ia ufusa ni kubhuma, iene kubhanga ene ku jinzambi jâ ja mahamba; anga a mi tesa kituxi kua Jihova Nzambi ienu.

Matendelelu 20:20

Inda o miẋi ngó, ioso i uejiia kuma kʼene ku iʼdia, ioio kokela-iu bhoxi, u i jikinise; iene i u bhanga na-iu o imbaka ia kukonda o mbonge mu jimbandu katé eie ua i tolola.

Matendelelu 26:6

Maji akua Ijito-phe a tu muesa hádi ni mbunda iònene, anga a tu xinda muene ubhika ua kabhikolo!