Matendelelu 20:18 - O Mikanda Ikola

¹⁸ Kuma avula ku mi longesa kufikisa o ima iâ, ia ufusa ni kubhuma, iene kubhanga ene ku jinzambi jâ ja mahamba; anga a mi tesa kituxi kua Jihova Nzambi ienu.

Matendelelu 20:18 ပူးပေါင်းရင်းမြစ်များ

II Jisobha 21:3

Mbata ua tona dingi o kutunga o matala a muangene tatʼâ Ezekiia, o Baale ua mu tungila jikalatódio, iu ua bhange muxitu kala kia Akabe, sobha ia Izalaiele; o kilômbo kioso kia diulu, ua ki fukamena iu ua ki bhikila.

Makatukilu 23:32

Enu ki mu te-nâ kikutu kia ukamba, né ene, né o jinzambi jâ.

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Makatukilu 34:12

Dilange-phe, kana kuta kikutu kia ukamba ni akuaʼxi kuku ku uia, kuma ki u ki bhanga, ki kala múkala u ua di lungila.

Makatukilu 34:16

Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

I Kolindo 15:33

Kana kudinganala! O ku di lunga ni athu aiibha, ku bolesa o ifua iambote.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Matendelelu 18:19

Anga kià kala-phe kiki: Uoso u dituna kuívua o maka mami, ma-nda kuzuela muene mu dijina diami eme, o ió ngi mu ibhula-kiu.

Matendelelu 18:9

Kioso ki u bhixila hé u bokona mʼoxi ia-nda ku ku bhana Jihova Nzambi ié, kana kua kà fikisa maufusa ma akua-jixi enhó!

Matendelelu 20:17

Kikale mu ki jikinisa muene, sé kuxa-ku kima; ni athu akua Hiti, ni Mamodi, ni Makanana, ni Mapelezeu, ni Mahivi, ni Majebuzeu, kiene kia ku tendelela Jihova Nzambi ié, kiene.

Matendelelu 20:19

O ki u kondoloka o diembu mu izuua iavulu, mu kúlua na-diu phala ku di tambula, o miẋi iâ i a phaphe-mu kana ku i kokela bhoxi ni dikuua, kuma eie uanda kudia-ku ku ibundu iê; ku i koke-phe (kuma o miẋi ia mukáu uodime inene o huta ia muthu) sembele iene ue ia ku fikidila.

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

Josuué 23:13

tumenu-phe ku kʼijiia, kuma Jihova Nzambi ienu, ka kà mi kaiesela dingi o ifuẋi iii ia mi kala ku mesu; inda ia kà mi kala kiá mubhetu, mukàla, kibetu mu jimbanji jenu, i di bhanga mukua ni mínha mu mesu enu; katé ki mu jima o mbutu, o ixi ia uabha kiki ia mi bhana Jihova Nzambi ienu, anga mu i xa muene.

Afundixi 2:3

Mukonda dia kiki, eme uami ngambe kuma: Nguami dingi ku a kaia bhu pholo ienu; a xale muene kienhokio, a kale mínha mu jimbanji jenu, jinzambi jâ ji mi kale mubhetu ua ku mi kuata.