Matendelelu 20:1 - O Mikanda Ikola

¹ Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 20:1 ပူးပေါင်းရင်းမြစ်များ

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

II Malunda 14:10

Bheneʼobho Aza ue anga u tunda mu kutakana-nê; anga ita a i kuatela mu dikôlo dia Zefata, bhua zukama ni Malesa.

II Malunda 14:11

Aza anga u dikola kua Jihova, Nzambi iê, uixi: Jihova, o kukuatekesa, phala eie, ki kima; kixi o mukua nguzu, kixi ió kala ni nguzu ia kima; tu kuatekese-phe, eie u Jihova, dia Nzambi ietu, mukonda tua dielela kokué, o mu dijina dié muene mu tuejila mu kúlua ni kifuẋi kiki; Jihova, tata! Eiʼeie u Nzambi ietu! Ka ku tolole kuala o muthu.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Jisálamu 118:6

Jihova uala bhu mbandu iami, ki ngi kala dingi ni uóma; hé kima, muthu u ngi bhanga-hi?

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:8

Zenu, mu di uane o ikalakalu ia Jihova! Mu tale o isunji ia bhange muene mu ngongo!

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 16:14

Uila kiki, Jihova uambe, talesa, kua-nda kuiza izuua, o kiki kà ki tanga dingi, kia kuila: Jihova u kola; Ua bandesa ana a Izalaiele koxi ia Ijitu.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Dialuilu 10:9

O ki ki bhinga kuia ku ita mʼoxi ienu, mukonda dia nguma ueza ku mi bhondeleka, kienʼokio ue ni jikoloneta mu ji xika dízui dia suina, phala a mi lembalale bhu pholo ia Jihova, Nzambi ienu, ni a mi kudile ku jinguma.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Matendelelu 1:29

Eme ngixi: Ki mu tale hadi, enhó kʼathu a ku a kuatela uoma.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Matendelelu 20:2

Kioso-phe ki mu bhiẋila bhu kididi kia ita, nganga a bhite ku pholo ambele o povo,

Matendelelu 20:3

kuamba: Ivua, u Izalaiele, lelu mueza kúlua ita ni jinguma jenu; muxima ki u mi botomoke, mba mu kala ni uoma, ki mu tekete, kana; kioso ki mu a mona, ki mu kale ni kimbuua.

Matendelelu 31:6

Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

Matendelelu 31:8

Jihova muene ua-nda ku ku tuamenena ku pholo, muene ua-nda ku ku banda; muene ka-nda ku ku xa, kana; ka-nda ku ku ehelela. Kana kukala-phe ni uoma, mba u kala ni hele.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

Matendelelu 7:21

Ku kale-phe ni u ô ma, anga u teketa mukonda dia ene, mbata o Jihova Nzambi ié uala muʼaxaxi ké, muene Nzambi ia dikota, u kuata uoma!

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 11:9

Josuué anga u a bhanga muene kala kia mu tumu Jihova: jikabalu jâ ua ji sende o mixibha, o makalu â ua oha mu túbhia.

Afundixi 6:12

Anju ia Jihova anga i mu tukulukila, i mu ambela, ixi: Jihova uala ni eie, u dizonda dia nguzu.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.

I Samuuele 17:32

Davidi anga u ambela Saúlo, uixi: Ki bhu kale muthu u botomoka muẋima mukonda dia kiiala kiki kia mukua Fidíxia. Eme-muène ngi mubhikʼé, ngiia kubhanga-nê.