Matendelelu 2:5 - O Mikanda Ikola

⁵ Kana ku di kuata-nâ, mbata Eme ki nga-nda ku mi bhana-ku né ngó kama kua Izaú mu ubhinganu.

Matendelelu 2:5 ပူးပေါင်းရင်းမြစ်များ

Dimatekenu 36:8

Izaú anga u tunga mu mulundu ua Seíle. (Izaú-phe muene Idomo.)

Dimatekenu 36:9

O muiji ua Izaú, tata ia akua Idomo, ku mulundu ua Seíle uenhú:

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Izekiiele 35:2

Eie monʼa muthu, o pholo ié lunga-na-iu ku mulundu ua Seíle, u te o muzambu ua kuzoka-nê.

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 2:22

Anʼa Izaú ue kiene kia a bhange mu Seíle kuala Ngana, kuma muene ua jikinisa akua Hole, ene ia a a muange, anga anʼa Izaú abhingana mu kutunga bhu kididi kiâ, katé mu kizuua kia lelu.

Matendelelu 2:6

Kudia kuoso ku mua-nda kúdia mu ku sumba-nâ mu kitadi; o menha ue, oso u mua-nda kúnua, mu ma sumba mu kitadi.

Matendelelu 32:8

Kioso kia kexe Suke-ku mu kuuanena miji iʼathu o undundu uâ, anʼa Adá anga u kuata ku auanuna ku ibuka-ibuka ia di kexidila mudiâ, hé u ta jimbambe phala ifuẋi mu ngongo, o anʼa Izalaiele ua a zongela kala kiasoko o ndumba iâ.

Josuué 24:4

Izake ue nga mu bhana Jakobo ni Izaú; o Izaú-phe nga mu bhana mulundu ua Seíle phala muene kiá; o Jakobo-phe ni anʼê a kulumukine mu Ijitu.